அண்ணாசாலையில் ரூ.10 லட்சம் கடனுக்காக தொழில் அதிபர் காரில் கடத்தல்- 5 பேர் கைது

இதுதொடர்பாக ராஜா உசேனுக்கும், தொழில் அதிபர் பைசுதீனுக்கும் இடையே தகராறு இருந்து வந்துள்ளது. ராஜா உசேன் மீது கடந்த 1995-ம் ஆண்டு சிந்தாதிரிப்பேட்டையில் நடந்த குண்டுவெடிப்பு வழக்கு உள்ளது.

இந்த வழக்கில் ஆஜர் ஆவதற்காக ராஜா உசேன் நேற்று சென்னை வந்துள்ளார். பூந்தமல்லி கோர்ட்டில் ஆஜராகிவிட்டு நேற்று இரவு அண்ணாசாலை புகாரி ஓட்டல் அருகே பைசுதீனை, ராஜா உசேன் வர சொல்லி உள்ளார். அங்கு வைத்து பணத்தை திருப்பி கேட்டுள்ளனர். இதற்கு பைசுதீன், கால அவகாசம் கேட்டுள்ளார்.

இதன் காரணமாகவே பைசுதீனுக்கும், ராஜா உசேனுக்கும் அண்ணாசாலையில் வைத்து தகராறு ஏற்பட்டுள்ளது.

இதனால் ஆத்திரம் அடைந்த முகமது ராஜா உசேனின் மகன் முகமது சைபுல்லா, தொழில் அதிபர் பைசுதீனை அடித்து காரில் ஏற்றி கடத்தியுள்ளார்.

இதையடுத்து ராஜா உசேன், அவரது மகன் சைபுல்லா, திருச்சியை சேர்ந்த ரகமதுல்லா, ஆசீப்கான், தவுபீக் ஆகிய 5 பேரையும் போலீசார் கைது செய்தனர்.

இவர்கள் அனைவர் மீதும் கொலை மிரட்டல், அவதூறாக பேசுதல், தாக்குதல், கடத்தல் உள்ளிட்ட 7 சட்டப்பிரிவுகளில் வழக்குப்பதிவு செய்யப்பட்டுள்ளது. அனைவரும் கோர்ட்டில் ஆஜர்படுத்தப்பட்டு சிறையில் அடைக்கப்பட்டனர்.

கடந்த சில நாட்களுக்கு முன்பு தேனாம்பேட்டை போலீஸ் நிலைய எல்லைக்குட்பட்ட அண்ணா சாலை பகுதியில் ரவுடிகள் மோதலில் வெடிகுண்டு வீசப்பட்டது. இந்த பரபரப்பு சற்று அடங்கிய நிலையில் நேற்று இரவு அரங்கேறிய இந்த கடத்தல் சம்பவம் மீண்டும் பரபரப்பை ஏற்படுத்தி இருக்கிறது.