வெளிநாட்டு பறவைகளின் சரணாலயமான ஆண்டிபாளையம் குளம்

இந்தக் குளம் முற்றிலும் தூர்வாரப்பட்டு பறவைகள், உயிரினங்கள் பல்லுயிர் பெருக்கத்துக்கு ஏற்றவாறு 2 திட்டுகளும் அமைக்கப்பட்டது. மேலும் இந்த குளத்தின் கரைகள் பலப்படுத்தப்பட்டு, சுற்றிலும் சாலைகள் அமைக்கப்பட்டன. இதன் காரணமாக தற்போது இந்த குளம் வற்றாத நீர் நிலையாக திகழ்கிறது.

மழைக்காலம் மட்டுமின்றி, கடும் கோடை காலத்திலும் நீர் நிரம்பி காட்சியளிக்கும் இந்த குளம் இப்பகுதி விவசாயத்துக்கு மட்டுமின்றி முக்கிய குடிநீர் ஆதாரமாகவும் உள்ளது. தற்போது இந்த குளத்தில் சுற்றுப் பகுதியில் நிலத்தடி நீரும் அதிக அளவு உயர்ந்துள்ளது மேலும், நீர் நிரம்பி காட்சியளிக்கும் இந்த குளத்தில் மீன்கள், உள்நாட்டு பறவையினங்கள் மட்டுமின்றி வெளிநாட்டு பறவைகளான கூழைக்கிடா, செங்கால், நாரை உள்ளிட்ட பறவைகளும் இங்கு அதிக அளவில் உள்ளன. நீர் காக்கைகளும் குளத்தில் நீந்தி தன்னை ஆசுவாசப்படுத்தி கொள்கின்றன. பறவைகள் குளத்தில் ஆங்காங்கே பறப்பது கண்ணுக்கு விருந்தாக உள்ளது. மொத்தத்தில் பறவைகளின் சரணாலயமாக மாறி வருகின்றன.