கட்சி பதவி பறிப்புக்கு எதிர்ப்பு: டி.டி.வி.தினகரன் உருவபொம்மையை எரித்து போராட்டம்

இதற்கு எதிர்ப்பு தெரிவித்து குமரகுருவின் ஆதரவாளர்கள் உளுந்தூர்பேட்டையில் போராட்டத்தில் ஈடுபட்டனர். பஸ்நிலையம் முன்பு திரண்டு கண்டன கோஷங்களை எழுப்பினர். பின்னர் அவர்கள் டி.டி.வி.தினகரனின் உருவபொம்மையை எடுத்து வந்து தீ வைத்து எரித்தனர். மேலும் முன்னதாக அ.தி.மு.க.வினர் சாலை மறியலிலும் ஈடுபட்டனர்.

இதேபோல் திண்டுக்கல் மாவட்ட செயலாளர் பொறுப்பில் இருந்து முன்னாள் மேயர் மருதராஜை நீக்கி டி.டி.வி.தினகரன் உத்தரவு பிறப்பித்தார். இதற்கு கண்டனம் தெரிவித்து மருதராஜ் ஆதரவாளர்கள் திண்டுக்கல் பஸ் நிலையம் அருகே உள்ள எம்.ஜி.ஆர். சிலை பகுதியில் திரண்டு டி.டி.வி.தினகரன் உருவபொம்மையை எரித்தனர். அவருடைய உருவபடத்தை செருப்பால் அடித்தும், கிழித்தும் தங்களின் எதிர்ப்பை வெளிப்படுத்தினர். மேலும், அ.தி.மு.க.வில் இருந்து சசிகலா குடும்பத்தை அடியோடு அகற்ற வேண்டும் என கோஷம் எழுப்பினர்.