உண்ணாவிரதம் போன்ற போராட்டங்களில் மக்கள் நீதி மய்யத்திற்கு உடன்பாடு இல்லை- நடிகை ஸ்ரீபிரியா

மக்ககளை பாதிக்கும் வகையிலான போராட்டங்களை நடத்துவதிலோ, காலை உணவு சாப்பிட்டு விட்டு வந்து, மாலையில் ஜூஸ் குடித்து போராட்டங்களை முடிக்கும் உண்ணாவிரதத்திலோ எங்கள் கட்சிக்கு உடன்பாடு இல்லை. மூன்று வேளை உணவு உண்ணாமல் 30 சதவீத மக்கள் துயரப்படும் நிலையில் அவர்களது முன்னேற்றத்துக்கான திட்டங்களை செயல்படுத்த வேண்டும். உரியதை உரிய இடத்தில் கொண்டு சென்று வலியுறுத்தி பெறவேண்டும் என்பதே எங்கள் நோக்கம்.

அதற்காக மத்திய, மாநில அரசுகளுக்கு இடையே சுமூக உறவு இருக்கவேண்டும். தொலைக்காட்சி நிகழ்ச்சி நடத்தி வரும் பணம் மூலம் கட்சி நடத்துவதில் தவறில்லை. உழைத்து சம்பாதித்த பணத்தில் தான் கட்சி நடத்துகிறோம், யாரிடமும் திருடவில்லை. சினிமாவில் அரசியல் செய்யமாட்டோம், அரசியலில் நடிக்கமாட்டோம் என கமல்ஹாசன் அறிவித்துள்ளார்.

மறைந்த முன்னாள் முதல்வர் ஜெயலலிதாவுக்கு மணி மண்டபம் கட்டுவதை வரவேற்கிறோம். அதே நேரத்தில் உயிருடன் வாழும் தமிழக மக்கள் மீதும் அக்கறை செலுத்த வேண்டும். நீட் தேர்வு குளறுபடிகளால் இந்த ஆண்டு 3 உயிர்களை பறி கொடுத்துள்ளோம். இதற்கு முடிவு கட்டவேண்டும்.