ஆடிப்பெருக்கையொட்டி பேரூர் பட்டீஸ்வரர் கோவிலில் குவிந்த பக்தர்கள்

கோவை பேரூர் பட்டீஸ்வரர் கோவிலில் இன்று ஆடிப்பெருக்கை யொட்டி அதிகாலை முதலே பக்தர்கள் ஆயிரக் கணக்கில் திரண்டு தரிசனம் செய்தனர். நொய்யல் ஆற்றில் தண்ணீர் இல்லாததால் அங்கு அமைக்கப்பட்டிருந்த குழாயில் வந்த தண்ணீரில் குளித்தனர்.

மேலும் சில பக்தர்கள் அந்த தண்ணீரை தலையில் மட்டும் தெளித்தப்படி சென்றனர். ஆற்றில் தண்ணீர் இல்லாததால் ஆடிப்பெருக்கு விழா இந்த ஆண்டு களையிழந்து காணப்பட்டது. பின்னர் ஆற்றின் படித்துறையில் ஏராளமான சுமங்கலி பெண்கள், புதுதாலி கயிறு மாற்றி கொண்டனர்.