போலியான காரணங்களை கூறி ஆதார் அட்டை வழங்கும் ஏஜென்சிகள் மக்களை சேர்க்க மறுத்தால் நடவடிக்கை

ஆதாரில் சேர்க்க மறுப்பது ஊழல் நடவடிக்கைகளுக்கு வழிவகுக்கும். எனவே அனைத்து ஆதார் பெயர் சேர்ப்பு நிறுவனங்களுக்கும், ஆபரேட்டர்களுக்கும் இதுதொடர்பாக எங்கள் கள அதிகாரிகள் மூலம் கடும் எச்சரிக்கை விடுத்துள்ளோம். சேர்க்க மறுத்தால் புகார் செய்யும்படி பொதுமக்களையும் கேட்டுக்கொண்டுள்ளோம்.

எனவே இதுபோன்ற செயலில் ஈடுபடும் நிறுவனங்கள் மீது கடுமையான நடவடிக்கை எடுக்கப்படும். முதல் குற்றமாக விதிமுறைகளை மீறும் நிறுவனங்களுக்கு ரூ.10 ஆயிரம் அபராதம் விதிக்கப்படும். அதே தவறை மீண்டும் செய்தால் ரூ.50 ஆயிரம் அபராதம் விதிக்கப்படும். அதன்பின்னரும் தொடர்ந்து ஊழல் நடவடிக்கைகளில் ஈடுபட்டால் அந்த நிறுவனங்கள் தடை செய்யப்படும்.

தொலைபேசியில் ஆதார் எண்ணை கேட்பதாகவும் பல புகார்கள் வருகின்றன. வங்கிகளில் இருந்தோ, தொலைபேசி நிறுவனங்களில் இருந்தோ, அரசு அலுவலகத்தில் இருந்தோ கேட்டார்கள் என்பதற்காக எக்காரணம் கொண்டும் தொலைபேசியில் உங்கள் ஆதார் எண்ணையோ, ஒருமுறை கடவுச்சொல்லையோ (ஓ.டி.பி.) தெரிவிக்க வேண்டாம். அதேபோல அதிகாரபூர்வமற்ற வலைதளங்களிலும் பதிவு செய்ய வேண்டாம் என்று பொதுமக்களை கேட்டுக்கொள்கிறேன்.