கள்ளக்காதலனுடன் சேர்ந்து தஞ்சை காங்.பிரமுகரை தீர்த்து கட்டிய பெண்

இதுகுறித்து சுபாஷ்சந்திர போஸின் மூத்த மகள் இந்திரா (வயது 32) கொடுத்த புகாரின் பேரில் வல்லம் போலிசார் வழக்கு பதிவு செய்தனர்.

இச்சம்பவத்தில் தொடர்புடையவர்களை பிடிக்க மாவட்ட போலிஸ் சூப்பிரண்டு மகேஸ்வரன் உத்தரவின் பேரில் வல்லம் துணை போலீஸ் சூப்பிரண்டு சீதாராமன் மேற்பார்வையில் வல்லம் இன்ஸ்பெக்டர் கார்த்திகேயன், சப்-இன்ஸ்பெக்டர்கள் சந்திரசேகரன், ராஜேந்திரன், சிறப்பு உதவி சப்-இன்ஸ்பெக்டர் தாமஸ் உட்பட சிறப்பு தனிப்படை போலீசார் நியமிக்கப்பட்டனர்.

போலீசாரின் தீவிர தேடுதலில் நேற்று தஞ்சையை அடுத்த மருங்குளம் அருகே உள்ள கோபால் நகரை சேர்ந்த பூங்கொடி(45), அவருடைய கணவர் அய்யாசாமி(58), மருங்குளத்தை சேர்ந்த இளங்கோவன்(45) ஆகியோரை மருங்குளம் கறம்பக்குடி சாலையில் உள்ள இளங் கோவனின் தோட்டத்தில் வைத்து கைது செய்தனர்.

போலீசார் விசாரணையில் தெரியவந்துள்ளதாவது:-

கொலை செய்யப்பட்ட சுபாஷ்சந்திரபோஸின் தோட்டத்தில் பூங்கொடி வேலை பார்த்து வந்துள்ளார். அப்போது பூங்கொடி அவருடைய இடத்தின் சொத்து பத்திரத்தை அடமானமாக கொடுத்து சுபாஷ்சந்திரபோஸிடம் ஒரு லட்சம் கடன் வாங்கி உள்ளார்.

பணம் வாங்கி பல மாதங்கள் ஆகியும் பணத்தை திருப்பி தராமல் பூங்கொடி இருந்து வந்துள்ளார். இது சம்மந்தமாக இருவருக்கும் இடையே தகராறு இருந்து வந்துள்ளது.

இந்நிலையில் பணத்தை தராமல் இருப்பதற்காக பூங்கோடி அவருடைய கள்ளக்காதலனான மருங்குளத்தை சேர்ந்த இளங்கோவனுடன் சேர்ந்து சுபாஷ் சந்திர போஸை தீர்த்து கட்ட முடிவு செய்துள்ளார். சம்பவதன்று காலை பூங்கோடி சுபாஷ் சந்திரபோஸிற்கு போன் செய்து பணத்தை வாழை தோட்டத்திற்கு வந்து தருவதாக தெரிவித்துள்ளார்.

இதைத்தொடர்ந்து இளங்கோவன் முன்னதாகவே சுபாஷ் சந்திரபோஸ் தோட்டத்திற்குள் வந்து அரிவாளுடன் மறைந்து நின்றுள்ளார்.

பூங்கொடியும் அவருடைய கணவர் அய்யாசாமியும் தோட்டம் அருகே நின்றுள்ளனர். சுபாஷ்சந்திர போஸ் வாழை தோட்டத்திற்கு உள்ளே வந்த போது மறைந்திருந்த இளங்கோவன் அவரை அரிவாளால் பின்தலையில் பலமாக வெட்டி உள்ளார். இதில் சம்பவ இடத்திலேயே அவர் இறந்துள்ளார். உடனே அங்கிருந்து தப்பிய இளங்கோவன் சற்று தொலைவில் உள்ள மழை நீர் சேகரிப்பு தொட்டியில் அரிவாள், ரத்தக்கறை படிந்த ஆடைகளை வீசி விட்டு சென்றுள்ளார். இவ்வாறு போலீசார் தெரிவித்தனர்.

இதுகுறித்து வழக்கு பதிவு செய்துள்ள வல்லம் போலீசார் பூங்கொடி, அவருடைய கணவர் அய்யாசாமி, கள்ளக்காதலன் இளங்கோவன் ஆகிய 3 பேரையும் நேற்று கைது செய்தனர்.