குஜராத் கலவரத்தில் முன்னாள் முதல்வர் மோடிக்கு தொடர்பில்லை: நானாவதி கமிஷன் கருத்து

உத்தர பிரதேசம் மாநிலம், அயோத்தியில் இருந்து கடந்த 2002-ம் ஆண்டு சபர்மதி ரெயில் மூலமாக கரசேவகர்கள் வந்து கொண்டிருந்த போது, கோத்ரா அருகே அந்த ரெயிலின் குறிப்பிட்ட இரு பெட்டிகளை  ஒருகும்பல் தீ வைத்து எரித்தது. இந்த சம்பவத்தில் 59 பேர் கொல்லப்பட்டனர்.

இதையடுத்து, குஜராத்தில் நடைபெற்ற கலவரத்தில் 1200-க்கும் மேற்பட்டோர் கொல்லப்பட்டனர். முக்கியமாக அகமதாபாத் நகரில் வெடித்த கலவரத்தில் பலர் கொல்லப்பட்டனர். கொல்லப்பட்டவர்களில் பலர் சிறுபான்மையின மக்கள். அவர்களுக்கு சொந்தமான பல கோடி ரூபாய் மதிப்பிலான சொத்துகளும் சூறையாடப்பட்டன.