சீனாவில் இருந்து வந்த 2 மருத்துவ மாணவிகள் ஸ்டான்லி ஆஸ்பத்திரியில் அனுமதி

சீனாவில் மருத்துவ படிப்பு படித்து வந்த மாணவர்கள் கொரோனா வைரஸ் பரவி வந்த நிலையில் அவர்கள் கடந்த 10 நாட்களுக்கு முன்பு சென்னை வந்தனர்.

மருத்துவர்களின் தீவிர கண்காணிப்பில் இருந்த அவர்களுக்கு நேற்று காய்ச்சல் பாதிப்பு வந்ததையடுத்து ஆஸ்பத்திரியில் அனுமதிக்கப்பட்டனர். அவர்களின் ரத்த மாதிரி எடுக்கப்பட்டு கிண்டி கிங் ஆய்வகத்திற்கு அனுப்பப்பட்டுள்ளது.

ஸ்டான்லி மருத்துவமனை சிறப்பு வார்டில் டாக்டர்களின் கண்காணிப்பில் அவர்கள் இருந்து வருகின்றனர்.

இது தவிர சீனாவைச் சேர்ந்த 2 பேரும் அங்கு சேர்க்கப்பட்டுள்ளனர். அவர்கள் ராஜீவ்காந்தி அரசு ஆஸ்பத்திரியில் இருந்து மாற்றம் செய்யப்பட்டவர்கள் என்று ஸ்டாலின் ஆஸ்பத்திரி நிர்வாகம் தெரிவித்துள்ளது.

அனைத்து அரசு மருத்துவகல்லூரி மருத்துவமனைகளிலும் இதற்காக தனி வார்டு அமைக்கப்பட்டு நோயாளிகள் கண்காணிக்கப்படுகிறார்கள்.