பாகிஸ்தான் அணி ஆஸ்திரேலியா சென்று விளையாடியது. இரு அணிகளுக்கும் இடையிலான முதல் டெஸ்ட் பிரிஸ்பேனில் நடைபெற்றது. இந்த டெஸ்டில் பாகிஸ்தான் அணியில் 16 வயதேயான நசீம் ஷா அறிமுகம் ஆனார். ஆஸ்திரேலிய பேட்ஸ்மேன்களுக்கு எதிராக நசீம் ஷாவால் ஜொலிக்க முடியவில்லை.
ஆனால் முன்னணி வீரர்களுக்கு எதிராக அவருக்கு சிறப்பான அனுபவம் கிடைத்தது. இந்த நிலையில் 19 வயதிற்கு உட்பட்டோருக்கான பாகிஸ்தான் அணியில் சேர்க்கப்பட்டுள்ளார்.
‘‘19 வயதிற்கு உட்பட்டோருக்கான உலக கோப்பையில் எங்களது முக்கிய ஆயுதமே நசீம் ஷா-தான்’’ என்று பயிற்சியாளர் இஜாஸ் அகமது தெரிவித்துள்ளார்.