10-ம் வகுப்பு மாணவி தற்கொலை: பாளை பள்ளி முன் உறவினர்கள் மறியல்

இந்தநிலையில் மாணவி பேச்சியம்மாளின் உடலை வாங்க அவர்களது உறவினர்கள் தொடர்ந்து மறுத்து வந்தனர். மாணவியின் உறவினர்கள் மற்றும் பொதுமக்கள் இன்று 2-வது நாளாக போராட்டத்தில் ஈடுபட்டனர். அவர்கள் மாணவி படித்த பள்ளியை இன்றும் முற்றுகையிட்டனர்.

மேலும் பள்ளியின் முன்பு உள்ள சாலையில் அமர்ந்து மறியலில் ஈடுபட்டனர். இதையடுத்து அங்கு வந்த இன்ஸ்பெக்டர் சோமசுந்தரம் மற்றும் போலீசார், மறியலில் ஈடுபட்டவர்களுடன் பேச்சு வார்த்தை நடத்தினர். அப்போது போலீசாருக்கும், போராட்டத்தில் ஈடுபட்டவர்களுக்கும் வாக்குவாதம் ஏற்பட்டது.

மேலும் போராட்டக்காரர்கள் தொடர்ந்து மறியலில் ஈடுபட்டனர். இதனால் அங்கு பரபரப்பான சூழல் நிலவியது. இதையடுத்து சம்பவ இடத்திற்கு கூடுதல் போலீசார் வரவழைக்கப்பட்டனர். மறியலில் ஈடுபட்ட 15 பேரை போலீசார் கைது செய்தனர்.