கோடையில் சருமம் கருக்காமல் இருக்க...

நீர்ச்சத்தை அதிகரித்தல்

கோடைகால வெப்பம் காரணமாக அதிக வியர்வை வெளியேறி விரைவாகவே உடல் நீர்ச்சத்தை இழந்து விடும். இதனால் சருமம் பொலிவற்று காட்சி தரும். இதைத் தடுக்க நாளொன்றுக்கு குறைந்தது 8 முதல் 10 டம்ளர் தண்ணீர் பருக வேண்டும். அதிகம் காபி, டீ அருந்துவதை தவிர்ப்பதோடு, தர்பூசணி, வெள்ளரி, ஆரஞ்சு போன்ற நீர்ச்சத்து நிறைந்த பழங்களை அதிகமாக உட்கொள்ள வேண்டும். மேலும் சர்க்கரை அதிகம் கலந்த பானங்களைத் தவிர்ப்பது நல்லது.

முறையான சுத்திகரிப்பு

கோடைகாலத்தில் காற்றில் உள்ள மாசு மற்றும் வியர்வையின் காரணமாக சருமத் துளைகள் அடைபட்டு முகப்பருக்கள் உண்டாகின்றன. இதைத் தடுக்கவும், சருமத்தின் இயற்கையான ஈரப்பதத்தைத் தக்கவைக்கவும் மென்மையான பேஸ் வாஷ்களை பயன்படுத்தி தினமும் 2-3 முறை முகத்தைக் கழுவ வேண்டும்.

மாய்ஸ்சரைசரை மறக்காதீர்கள்

கோடை காலத்தில் சருமம் வறட்சி அடையாமலும், எண்ணெய்ப் பசையாக மாறாமலும் சமநிலையில் இருப்பது அவசியம். ஆகவே இக்காலத்தில், சருமத்தை ஈரப்பதமாக வைத்துக்கொள்ள பிசுபிசுப்பு இல்லாத, அடர்த்தியற்ற மாய்ஸ்சரைசர்களை தேர்ந்தெடுத்துப் பயன்படுத்துவது சருமத்துக்கு நல்லது.