நகங்கள் உடைவதற்கான காரணங்களும் - தீர்வும்

உடையும் தன்மை கொண்ட நகங்களைச் சமாளித்தல்

* பாத்திரங்கள் கழுவுதல், வீட்டை சுத்தம் செய்தல் போன்ற வேலைகளைச் செய்யும்போது, இரப்பரால் ஆன கையுறைகளை அணிந்துகொள்ளவும்.

* கைகளை அடிக்கடி ஈரமாக்குவதைத் தவிர்க்கவும், சோப்பு அல்லது டிடர்ஜென்ட் ஆகியவற்றைப் பயன்படுத்தும்போது குறைந்த அளவே பயன்படுத்தவும். இதனால் அவற்றால் ஏற்படும் எரிச்சலைக் குறைக்கலாம்.

* பாத்திரம் கழுவியபிறகு, கைகளை நன்கு உலர்த்தி, லோஷன் அல்லது மென்மையான கிரீமை நகங்கள் மற்றும் விரல் முனைகளில் தேய்த்துக்கொள்ளவும்.

* நெயில் பாலிஷை முறையாக, சரியான விதத்தில் பயன்படுத்தினால் அது நகங்களின் பரப்பைப் பாதுகாக்கும்.

* அக்ரிலிக் பெயின்ட், ஒட்டக்கூடிய நகங்களைப் பயன்படுத்துவதைத் தவிர்க்கவும். உங்களுக்கு உடையக்கூடிய நகங்கள் இருந்தால் கண்டிப்பாக இவற்றைத் தவிர்க்கவும்.

* நகங்களை கரடுமுரடாகக் கையாள வேண்டாம். நகங்களின் முனைகளின் வடிவத்தை சீராக்க, உலோகமல்லாத உபகரணத்தைப் பயன்படுத்தவும், வட்ட வடிவில் மெதுவாகப் பயன்படுத்தவும்.