மணிமாறன் இயக்கத்தில் உருவாகி உள்ள திரைப்படம் ‘சங்கத்தலைவன்’. சமுத்திரகனி ஹீரோவாக நடித்துள்ள இப்படத்தில் அவருக்கு ஜோடியாக ரம்யா நடித்துள்ளார். வெற்றி மாறன் இந்த படத்தை தயாரித்துள்ளார். கைத்தறி தொழிலை மையமாக வைத்து உருவாகும் இந்த படத்தில் கைத்தறி தொழிலாளராகவே சமுத்திரக்கனி நடித்துள்ளார்.
இந்நிலையில், இப்படத்தின் ரிலீஸ் தேதி அறிவிக்கப்பட்டுள்ளது. அதன்படி இப்படம் வருகிற பிப்ரவரி 26-ந் தேதி வெளியாகும் என தெரிவிக்கப்பட்டுள்ளது. இப்படத்திற்கு தணிக்கை குழு யு/ஏ சான்றிதழ் கொடுத்துள்ளது. நீண்ட நாட்களாக தயாரிப்பிலிருந்த இந்தப் படத்தின் ரிலீஸ் தேதி அறிவிக்கப்பட்டுள்ளதால், படக்குழுவினர் உற்சாகமடைந்துள்ளனர்.