சூர்யாவின் என்ஜிகே விரிவாக்கம் இதுவா?

`தானா சேர்ந்த கூட்டம்’ படத்தை தொடர்ந்து சூர்யா தற்போது செல்வராகவன் இயக்கத்தில் நடித்து வருகிறார். சூர்யாவின் 36-வது படமாக உருவாகும் இந்த படத்தில் அவருக்கு ஜோடியாக சாய் பல்லவி, ரகுல் பிரீத்திசிங் நடிக்கிறார்கள். 

இந்த படத்தின் பர்ஸ்ட் லுக் போஸ்டர் செல்வராகவன் பிறந்தநாளை முன்னிட்டு நேற்று வெளியானது. த்ரில்லர் படமாக உருவாகும் இந்த படத்திற்கு `என்ஜிகே' என்று தலைப்பு வைத்துள்ளனர். படத்தின் தலைப்பு வெளியானது முதலே `என்ஜிகே'-வின் விரிவாக்கம் என்ன என்பது குறித்து சமூக வலைதளங்களில் பல கேள்விகள் உருவாகி வருகிறது. 

அதற்கு பதில் அளிக்கும் விதமாக `என்ஜிகே' என்பது படத்தில் சூர்யாவின் பெயர் தான் என்றும், படத்தில் அவருக்கு நந்த கோபாலன் குமரன் (Nandha Gopalan Kumaran (NGK)) என்ற பெயர் வைக்கப்பட்டுள்ளதாகவும் ஒரு தகவல் கசிந்திருக்கிறது.