நடிகை ஸ்ரீதேவி மறைவுக்கு நடிகர் சங்கம், தயாரிப்பாளர் சங்கம் இரங்கல்

தனது நான்காம் வயதில் `துணைவன்' படத்தில் குழந்தை நட்சத்திரமாக அறிமுகமானர் ஸ்ரீதேவி. தொடர்ந்து தமிழ், மலையாளம், தெலுங்கு, கன்னடம், இந்தி மொழி திரைப்படங்களில் குழந்தை நட்சத்திரமாக நடித்து வந்த ஸ்ரீதேவி தனது 13வது வயதில் `மூன்று முடிச்சு' படத்தின் மூலமாக கதாநாயகியானார். தொடர்ந்து ஜெயசங்கர், சிவகுமார், ரவிக்குமார், ரஜினி, கமல் மற்றும் மலையாளம், தெலுங்கு, கன்னட முன்னணி நடிகர்களின் கதாநாயகியாகவும் உலா வந்தார். 

1983-ல் `ஹிம்மத் வாலா' ஹிந்தி திரை பிரவேசம் அவரை இந்திய திரைப்பட ரசிகர்களின் மனதில் 'கனவுக்கன்னி'யாக குடியேற்றி உலகப்புகழ் தேடி தந்தது. 1997-ல் தற்காலிகமாக நடிப்பை நிறுத்தியவர் 2012-ல்  `இங்கிலீஷ் விங்க்ளீஷ்' படத்தில் நடித்து மீண்டும்  நடிப்பை தொடர்ந்து தனது ஆளுமை செலுத்தினார். 2013-ல் இந்திய அரசு அவருக்கு `பத்மஸ்ரீ' பட்டம் அளித்து கௌரவித்தது. தனி மனித வாழ்கையில் சோதனைகள், தாய் தந்தையரின் இழப்பு என்ற இன்னல்களையும், வேதனைகளயும் தாண்டி மன உறுதியாலும் உழைப்பாலும் உட்சநட்சத்திர நாயகியாக திகழ்ந்து, தனக்கு பின்னால் வந்த நடிகைகளுக்கு மார்கதர்சியானவர் ஸ்ரீதேவி.