மீண்டும் ஏஏஏ கூட்டணி

'த்ரிஷா இல்லனா நயன்தாரா' படத்தின் மூலம் இயக்குனராக அறிமுகமானவர் ஆதிக் ரவிச்சந்திரன். அடல்ட் காமெடி படமான இதில் ஜி.வி.பிரகாஷ் கதாநாயகனாக நடித்திருந்தார். கயல் ஆனந்தி, மனிஷா யாதவ் கதாநாயகியாக நடித்திருந்தார்கள். இப்படம் ரசிகர்களிடையே நல்ல வரவேற்பு பெற்றது.

இப்படத்தின் வெற்றியை தொடர்ந்து, சிம்பு நடிப்பில் 'அன்பானவன் அசராதவன் அடங்காதவன்' படத்தை இயக்கினார் ஆதிக் ரவிச்சந்திரன். இந்தப் படம் இரண்டாம் பாகமும் உருவாகும் எனக் கூறப்பட்டது. ஆனால், எதிர்ப்பார்த்தளவிற்கு இப்படம் இல்லாததாலும், சிம்புவின் நடவடிக்கைகள் குறித்த சர்ச்சைகள் எழுந்ததாலும் இரண்டாம் பாகம் உருவாகாமல் போனது.