சில மாதங்களுக்கு முன்னால் சுருதிஹாசனுக்கும், லண்டன் நடிகர் மைக்கேல் கார்செல்லுக்கும் காதல் மலர்ந்துள்ள தகவல் வெளியாகி பரபரப்பை ஏற்படுத்தியது. இருவரும் நெருக்கமாக இருக்கும் படங்கள் இணையதளங்களில் வெளியாகி வந்தன. சுருதிஹாசனின் தாய் சரிகா மும்பையில் வசிக்கிறார்.
மைக்கேலை அழைத்துச்சென்று சரிகாவிடம் சுருதிஹாசன் அறிமுகம் செய்து வைத்தார். அந்த படங்களும் வெளிவந்தன. பின்னர் சென்னைக்கு அழைத்து வந்து தந்தை கமல்ஹாசனிடமும் அறிமுகப்படுத்தினார். சென்னையில் நடந்த திருமண நிகழ்ச்சியொன்றிலும் இருவரும் ஜோடியாக கலந்து கொண்டார்கள்.
அப்போது தமிழ் பாரம்பரிய உடையான வேட்டி சட்டையை மைக்கேல் உடுத்தி இருந்தார். சுருதிஹாசன் பட்டு சேலையில் இருந்தார். இருவருக்கும் திருமணம் முடிந்துவிட்டதா? என்ற பரபரப்பு நிலவியது. ஆனால் சுருதிஹாசன் தரப்பில் அது மறுக்கப்பட்டது. ஆனாலும் இருவரும் ஜோடியாகவே சுற்றி வருகிறார்கள்.