சசிகுமார் படத்தை கைப்பற்றிய பிரபல நிறுவனம்

`கொடிவீரன்' படத்தை தொடர்ந்து சசிகுமார் ‘அசுரவதம்’ படத்தில் நடித்து முடித்து முடித்திருக்கிறார். மருது பாண்டியன் இயக்கத்தில் உருவாகியிருக்கும் இந்த படத்தை ‘செவன் ஸ்க்ரீன் ஸ்டுடியோ’ நிறுவனம் சார்பில் லீனா லலித்குமார் தயாரித்துள்ளார். இந்த படத்தில் சசிகுமார் ஜோடியாக நந்திதா ஸ்வேதா நடித்திருக்கிறார். 

இந்த படத்தின் படப்பிடிப்பு முடிந்து சமீபத்தில் டீசரும் வெளியாகி வரவேற்பை பெற்ற நிலையில், படம் தமிழ் புத்தாண்டை முன்னிட்டு ரிலீசாக இருப்பதாக அறிவிக்கப்பட்டிருந்தது. இந்நிலையில் படஅதிபர்கள் போராட்டம் நடத்தியதால் படத்தின் ரிலீஸ் தள்ளிப்போயுள்ளது.