டி.என்.சூரஜ் எழுத, முனுசாமி இயக்கத்தில் உருவாகி வரும் படம் `ரீல்'. இந்த படத்தில் உதய்ராஜ் நாயகனாவும், அவந்திகா நாயகியாகவும் நடிக்கிறார்கள். கலக்கப்போவது யாரு சரத் காமெடி கலந்து குணச்சித்திர வேடத்தில் நடிக்கிறார்.
காதல் கலந்த காமெடி படமாக உருவாகும் இதன் படப்பிடிப்பு கோவை, மெலுகொட் கோத்தகிரி மற்றும் மைசூர் போன்ற பகுதிகளில் நடந்து வரும் நிலையில், படத்தை விரைவில் திரைக்கு கொண்டுவர படக்குழு முடிவு செய்துள்ளது.
சந்தோஷ் சந்திரன் பாடல்களையும், அச்சு ராஜாமணி பின்னணி இசையையும் கவனிக்கின்றனர். சுனல் பிரேம் ஒளிப்பதிவு செய்ய, சாய் சுரேஷ் படத்தொகுப்பை கவனிக்கிறார். ஸ்ரீ முருகா மூவி மேக்கர் இந்த படத்தை தயாரித்து வருகிறது. #Reel #Udairaj #Avanthika