இசை அமைப்பாளர் சிற்பியின் மகன் நந்தன்ராம் கதாநாயகனாக நடிக்கும் இந்த படத்தில் நாயகியாக வெண்பா நடிக்கிறார். இவர்களுடன் கே.எஸ்.ரவிகுமார், ஊர்வசி, ஆர்.கே. சுரேஷ், தம்பி ராமையா, கஞ்சாகருப்பு, பொன் வண்ணன் உள்பட பலர் நடிக்கிறார்கள்.
ஒளிப் பதிவு - வினோத் குமார், இசை - விஜய் நாராயணன், பாடல்கள் - வைரமுத்து, வாசுகோகிலா, எம்.ஜி.சாரதா, தயாரிப்பு - டி.வேலு, கதை, திரைக்கதை, வசனம், இயக்கம் - வாசுதேவ் பாஸ்கர்.
படம் பற்றி கூறிய இயக்குனர்....
“இது பள்ளி மாணவர்களையும், கலகலப்பான குடும்ப சூழலையும் மையப்படுத்தி அமைக்கப்பட்ட, காமெடி கலந்த காதல்கதை. இதில் இயக்குனர் கே.எஸ்.ரவிகுமார், நாயகனின் அப்பாவாகவும் பள்ளிக்கூட தலைமை ஆசிரியராகவும் நடிக்கிறார். ஊர்வசி குடும்பத் தலைவியாக சிறப்பாக நடித்து இருக்கிறார். தஞ்சை மாவட்டத்தில் உருவாகி இருக்கிறது.