LGM

நாயகன் ஹரிஷ் கல்யாண் யதார்த்தமாக நடிக்க முயற்சி செய்து இருக்கிறார். முதல் பாதியில் காதலியா... தாயா... என்று வரும் காட்சியில் கவனத்தை ஈர்த்து இருக்கிறார். நாயகி இவானா துறுதுறு நடிப்பால் ரசிகர்களை கவர்ந்து இருக்கிறார். முகபாவனைகளில் அதிக ஸ்கோர் செய்து இருக்கிறார். ஒரு ஐடியா சொல்லவா... என்று சொல்லும் போது ரசிகர்கள் உற்சாகம் அடைகிறார்கள்.

தாயாக வரும் நதியா, முதல் பாதியில் வயதான அம்மாவாகவும், இரண்டாம் பாதியில் இளம் வயது அம்மாவாகவும் காட்சியளிக்கிறார். ஒரு தாயின் உணர்வை அழுத்தமாக பதிவு செய்து இருக்கிறார். குறிப்பாக நடனத்தில் அசத்தி இருக்கிறார். யோகிபாபுவின் காமெடி நன்றாகவே ஒர்க்கவுட் ஆகியிருக்கிறது. மிர்ச்சி விஜய் ஆங்காங்கே சிரிக்க வைத்து இருக்கிறார்.

இயக்கம்

திருமண வயதில் இருக்கும் பெண்கள் பயப்படும் பிரச்சினையை மையமாக வைத்து படத்தை இயக்கி இருக்கிறார் இயக்குனர் ரமேஷ் தமிழ்மணி. முதல் பாதி ரசிக்க வைத்திருந்தாலும், இரண்டாம் பாதி சற்று ஏமாற்றத்தை கொடுத்து இருக்கிறார். இரண்டாம் பாதி திரைக்கதை படத்தை விட்டு விலகி செல்வதுபோல் இருக்கிறது.

இசை

ரமேஷ் தமிழ்மணியின் இசையில் பாடல்கள் அனைத்தும் கேட்கும் ரகம். பின்னணி இசையிலும் கவனத்தை ஈர்த்து இருக்கிறார்.

ஒளிப்பதிவு

விஸ்வாஜித்தின் ஒளிப்பதிவு சிறப்பு.

படத்தொகுப்பு

பிரதீப் இ ராகவ் படத்தொகுப்பு கவர்ந்துள்ளது.

காஸ்டியூம்

பூர்ணிமா காஸ்டியூம் டிசைனில் அசத்தியுள்ளார்.

சவுண்ட் எபெக்ட்

லாரன்ஸ் விஷ்ணு மற்றும் விசாக் சவுண்ட் மிக்ஸிங் சூப்பர்.

புரொடக்‌ஷன்

டோனி எண்டர்டெயின்மெண்ட் நிறுவனம் ‘எல்.ஜி.எம்’ படத்தை தயாரித்துள்ளது.

வீடியோக்கள்

எல்.ஜி.எம்