ரன்வீர் படத்தில் இருந்து விலகிய மாதவன்

இந்த நிலையில் தெலுங்கில் ஜூனியர் என்.டி.ஆர். நடித்து வெற்றிபெற்ற ‘டெம்பர்’ படத்தின் இந்தி ரீமேக்கில் வில்லனாக நடிக்க மாதவனை ஒப்பந்தம் செய்து இருந்தனர். இதில் கதாநாயகனாக ரன்வீர் சிங் நடிக்கிறார். ரோகித் ஷெட்டி இயக்குகிறார். தற்போது இந்த படத்தில் இருந்து விலகுவதாக மாதவன் அறிவித்து உள்ளார்.

இதுகுறித்து தனது டுவிட்டர் பக்கத்தில், “தோள்பட்டை அறுவை சிகிச்சை செய்து அதில் இருந்து மீண்டு வருகிறேன். இதனால் ரோகித் ஷெட்டி படத்தில் என்னால் நடிக்க இயலவில்லை. அவரது படங்களின் ரசிகனாக இருக்கும் நான், இந்த படத்தில் நடிக்க இயலாமல் போனது வருத்தமாக இருக்கிறது” என்று கூறியுள்ளார். #Madhavan #Temper