அதிரடி காட்டினாரா பசில் ஜோசப்? திரை விமர்சனம்

தனது அண்ணன் படித்த அதே கல்லூரியில் சிவில் இன்ஜினியரிங் படிக்க சேர்கிறார் பசில் ஜோசப். சில வருடங்களுக்கு முன்பு அந்த கல்லூரியில் நடந்த கலை நிகழ்ச்சியில் ஏற்பட்ட தள்ளுமுள்ளுவில், அவரது அண்ணனின் காதலியான தர்ஷனா ராஜேந்திரன் உட்பட மூன்று மாணவிகள் உயிரிழக்கின்றனர். அந்த சம்பவத்திற்குப் பிறகு கல்லூரியில் கலை நிகழ்ச்சியே நடத்தப்படாமல் நிற்கிறது.

இந்த நிலையில், தனது அண்ணனின் ஆசையையும் நினைவையும் மீண்டும் உயிர்ப்பிக்க வேண்டும் என்ற எண்ணத்திலும், இன்னொரு பக்கம் சக மாணவியான ரியா ஷிபுவின் முன்னால் தன்னை நிரூபிக்க வேண்டும் என்ற துடிப்பிலும், பல வருடங்களாக நின்று போன அந்த கல்லூரி விழாவை மீண்டும் நடத்த முயற்சி செய்கிறார் பசில் ஜோசப். ஒரு வழியாக நிர்வாகத்தின் அனுமதியையும் வாங்கி, சிறப்பு விருந்தினராக வினீத் ஸ்ரீனிவாசனையும் அழைக்க ஏற்பாடு செய்கிறார்.

அதே சமயம், ஒருகாலத்தில் அந்த ஏரியாவையே அதிரவைத்த ரவுடியான டொவினோ தாமஸ், தற்போது திருந்தி பாடகராக வேண்டும் என்ற கனவுடன் வாழ்கிறார். தனது அம்மா சொல்லிக்கொடுத்த பாடலை பெரிய மேடையில் பாட வேண்டும் என்பதற்காக பிரமாண்ட இசை நிகழ்ச்சிக்கும் ஏற்பாடு செய்து வருகிறார்.  இந்த நிலையில் பசில் ஜோசப் நண்பர்கள் குழுவுக்கும், டொவினோ தாமஸ் தரப்புக்கும் எதிர்பாராத மோதல் ஏற்படுகிறது.