காலையில் எழுந்ததும் செய்யக்கூடாதது என்ன?- சமந்தா சொல்லும் அறிவுரை

நடிகை சமந்தா சினிமா பணிகளில் எவ்வளவு பிசியாக இருந்தாலும் ஆரோக்கியத்தின் மீது அதிக அக்கறை கொண்டவர். இது மட்டுமின்றி உணவு, ஆரோக்கியம் குறித்து பல ‘டிப்ஸ்’களை தனது சமூக வலைதளபக்கங்களில் பகிர்ந்து பலருக்கு உத்வேகமாக இருந்து வருகிறார்.

அந்த வகையில் தினமும் காலையில் எழுந்ததும் பின்பற்ற வேண்டிய நடவடிக்கைகள் குறித்து அவர் வெளியிட்டுள்ள பதிவில் கூறியிருப்பதாவது:-

காலையில் எழுந்த உடன் கார்டிசோல் அளவு இயல்பாகவே அதிகமாக இருக்கும். அந்த நேரத்தில் செல்போன்கள், மெயில் மற்றும் செய்திகளை பார்க்கும் போது மனஅழுத்தம் மேலும் அதிகரிக்கக் கூடும். எனவே காலை எழுந்த முதல் 1 மணி நேரத்திற்கு செல்போன் பயன்படுத்துவதை தவிர்க்க வேண்டும். நரம்பு மண்டலத்தை அமைதிப்படுத்த 2 முதல் 5 நிமிடங்கள் அமைதியில் ஆழ்ந்த கவனமான சுவாச பயிற்சியில் ஈடுபட வேண்டும். இதை 21 நாட்களுக்கு முயற்சி செய்து பாருங்கள்.