சினிமாவை அரசியல்படுத்திய மா கலைஞன் மணிவண்ணன்.. நினைவு தினம் இன்று!

பகுத்தறிவு

இளம் வயது முதல் மார்சிய இயக்கங்களுடன் பயணப்பட்ட மணிவண்ணன் இயக்கிய மற்றும் நடித்த படங்களிலும் அதன் கூறு ஏதாவதொரு வகையில் வெளிப்படும்.

சத்யராஜுடன் இணைந்து தோழர் பாண்டியன் படத்தை எடுத்த மணிவண்ணன் அதில் மார்க்ஸிய அரசியலை நேரடியாகவே பேசினார்.

வேலு பிரபாகரன் இயக்கத்தில் 1997 இல் வெளியான கடவுள் படத்தில் கடவுளாக நடித்து அவர் பேசிய சாதி, மத மறுப்பு விஷயங்கள் இன்றளவும் பொருத்தப்பாடு உடையது.

2001இல் தான் இயக்கிய 'ஆண்டான் அடிமை' படத்திலும் சாதிய ஏற்ற தாழ்வுகளுக்கு மணிவண்ணன் சாட்டையடி கொடுத்தார்.

நேரடியான அரசியல் படங்கள் என்பதை தாண்டி தான் நடித்த மற்றும் இயக்கிய படங்களில் போகிற போக்கில் அவர் கூறும் அரசியல் வசனங்கள் பிரசித்தம்.

வாய்ப்பு கிடைத்தபோதெல்லாம் முற்போக்கு கருத்துக்களையும் பகுத்தறிவு பார்வையையும் தன் வசனங்கள் மூலம் மணிவண்ணன் வெளிப்படுத்த தவறியதில்லை.

தேர்ந்த குணச்சித்திர நடிகராகவும் மணிவண்ணன் பல படங்களில் அசத்தினார். சினிமாவை தாண்டிய களத்திலும் மணிவண்ணன் தொடர்ந்து இயங்கி வந்தார்.

படங்களோடு மட்டுமின்றி கடவுள் மறுப்பு, சாதி எதிர்ப்பு உள்ளிட்ட பகுத்தறிவு, முற்போக்கு கருத்துகளை தன் வாழ்விலும் தீவிரமாக பின்பற்றியவர் மணிவண்ணன்.

1953 இல் ஜூலை 31 பிறந்த மணிவண்ணன் 2013 ஜூன் 15 அன்று தனது 59வது வயதில் உடல்நலகுறைவால் மணிவண்ணன் காலமானார். அதே ஆண்டு அவரின் இயக்கம் மற்றும் நடிப்பில் 50 படமான அமைதிப்படை 2 வெளியானது.

தன் கடைசி மூச்சு வரை சினிமாவின் மூலம் மக்களை அரசியல்படுத்துவதில் மணிவண்ணன் தீர்க்கமாக செயல்பட்டார். அவரின் படங்கள் மற்றும் வசனங்கள் இன்றும் எங்கோ ஏதாவதொரு மூலையில் யாரையேனும் சிந்திக்க வைத்த வண்ணமே உள்ளது.