'கர' - திரைவிமர்சனம்

கதை

திருவெறும்பூர் பகுதியில் இருக்கும் எம்.எல்.ஏ வீட்டில் கொள்ளை அடிக்க செல்கிறார் நாயகன் தனுஷ். இவருடன் மைத்துனர் பிரித்வி பாண்டியராஜ் செல்கிறார். தன்னுடைய கடைசி திருட்டு என்று முடிவு செய்து கொள்ளை அடிக்கிறார். ஆனால், எதிர்பாராத விதமாக தனுஷ் சிக்கி கொள்ள, பிரித்வி பாண்டியராஜ் தப்பித்து விடுகிறார்.

போலீஸ் அதிகாரியாக இருக்கும் சுராஜ், தனக்கு புகழ் கிடைக்க வேண்டும் என்று திட்டம் போட்டு, தனுஷை பல வழக்குகளில் சிக்க வைக்க முயற்சி செய்கிறார்.

இதையறிந்த தனுஷ், போலீஸ் நிலையத்தில் இருந்து தப்பித்து செல்கிறார். 6 மாதங்கள் கழித்து ரேணிகுண்டாவில் திருட்டை விட்டு, மனைவி மமிதா உடன் ஓட்டலில் வேலை பார்த்து வருகிறார்.

சொந்தமாக தொழில் தொடங்கலாம் என்று முடிவு செய்து சொந்த ஊரான இராமநாதபுரத்திற்கு செல்கிறார். அங்கு தந்தை கே.எஸ்.ரவிக்குமார் வைத்திருக்கும் நிலத்தை விற்று பணம் கேட்கிறார்.

ஆனால், நிலம், வங்கியில் அடமானத்தில் இருப்பதை கண்டு அதிர்ச்சி அடைகிறார். மேலும் வங்கி கடன் கட்டமுடியாமல் ஜப்தி செய்ய நோட்டீஸ் வருகிறது. இந்நிலையில் கே.எஸ்.ரவிக்குமார் இறந்து விடுகிறார். அவரது சடலத்தை வங்கி அதிகாரிகள் அடக்கம் செய்ய நிலம் கொடுக்க மறுக்கிறார்கள். நிலத்தை மீட்க வங்கியை கொள்ளை அடிக்க முடிவு செய்கிறார்.

இறுதியில் தனுஷ், வங்கியை கொள்ளை அடித்தாரா? நிலத்தை மீட்டாரா? தந்தை உடலை அடக்கம் செய்தாரா? போலீசிடம் சிக்கினாரா? என்பதே படத்தின் மீதிக்கதை.