VIDEO: அடி அண்ணாமலை லிங்கமும், சிலிர்க்க வைத்த வைப்ரேஷனும்: கிரிவலம் குறித்து இளையராஜா பகிர்ந்த ரகசியம்

நான் திருவண்ணாமலையில் காலடி எடுத்து வைத்து விட்டால் செருப்பு போடுவதில்லை. நான் போற பாதை நார்மலானது கிடையாது. குஞ்சு சுவாமிகளோடு போன இரண்டு முறை மட்டும்தான் நார்மலான வழியில போனேன் 14 கிலோ மீட்டர் அது. அதன்பிறகு பகவான் எந்த வழி போவாங்க இல்ல காட்டு பாதையில நடப்பாங்க அப்படின்னா பகவான் மூணு வழியில போவாங்க என்றார். சரி பகவான் போகும் நடுப்பாதையை தேர்ந்தெடுத்தேன். நான் நடக்கிற பாதை கண்ணாடி உடைந்தது போல் கற்கள் இருக்கும். காலடி எடுத்து வைத்தால் குத்தும். 80-ல் இருந்து 20 வருடங்கள் நான் விடாமல் கிரிவலம் சென்று வருகிறேன்.

வைப்ரேஷன்

அடி அண்ணாமலையில போய் உட்கார சுத்தும் போது அடி அண்ணாமலையில் உட்காருவது வழக்கம். அங்கே அந்த நேரத்தில் நான்கு மணிக்கு நாங்கள் கிளம்பினால் நாலரை மணி ஐந்து மணிக்கு அங்க போவோம். அப்ப அந்த கோவில் திறந்திருக்காது. நாங்க போய் உள்ள போனா அந்த குருக்களை கூப்பிட்டுவிட்டு அப்புறம் கோவிலை திறக்க சொல்லி உள்ளே போய் உட்காருவோம். உள்ள போய் உட்கார்ந்தா லிங்கம் இருக்கும். நான் இருப்பேன். என் கூட வந்த ஆட்கள் இருப்பாங்க. அந்த ஆட்கள் வந்து வெளிய போயிடுவாங்க. நானும் இந்த வழியா இதே போல போய்க்கொண்டிருக்கும் போது ஒருநாள் நானும் அந்த லிங்கம் மட்டும் தனியாக இருக்கிறோம். அந்த இடத்துல பயங்கர வைப்ரேஷன் இருக்கும். நீங்க வேணா போய் பாருங்க உங்களுக்கே நல்லா ரொம்ப ஈசியா புலப்படும்.

அந்த லிங்கத்தை பார்த்துக்கிட்டே இருக்கேன், பார்த்துக்கிட்டே இருக்கேன்,அந்த லிங்கம் ஞானசம்பந்தர் பாடுனத கேட்டிருக்கோம்ல அப்படின்ன உடனே உடம்பெல்லாம் புல்லரிக்குது. அப்போ இந்த கல்லு இந்த தூணு, இந்த பாதைகள், சம்பந்தர் பாடுனத கேட்டு இருக்கோம். அப்பர் பாடுனத கேட்டு இருக்கோம். சுந்தரர் பாடுனத கேட்டு இருக்கோம். மாணிக்க வாசகர் பாடுனத கேட்டு இருக்கோம். அப்ப மாணிக்கவாசகர் அங்க உட்கார்ந்துதான் திருப்பாவையும், திருவம்பாவையும் எழுதினாரு. அப்படின்னு அந்த நந்தியை கும்பிட்டு அப்புறம் குருக்கள் வந்தாரு கற்பூரம் காட்டினாரு கும்பிட்டு வெளியில நடந்து வந்தா நடக்கும்பொழுது என்னுடைய காலடிகள் எடுத்து வைப்பதற்கு அந்த வைப்ரேஷன் வந்து என்னை போட்டு அமுக்குது. அதன்பிறகு மூன்று மாதம் கழித்து திடீர்னு ஒரு நாள் எழுந்து உட்காரும் பொழுதுதான் இந்த பாட கிடைத்த பரம்பொருளை பாடுதற்கு ஒருபரப்பு கிட்டியும் பாடி பயன் காண பல்மொழியால் ஏத்தாது பண்டை வினைதூற்று மூட கிடப்பயோ முத்தே முகில் மூடா மோன முழுநிலவே மூட மனமுடம் நீக்குவானே முன்மொழியால் பாடேலோர் என்பாவா என்கிற ஒரு வார்த்தை வருது. நான் எழுதுற தமிழா இது. எனக்கு நான் எழுதினதுங்குறீங்களா, நான் யோசிச்சதுங்கறீங்களா... நான் யோசிக்கல. அதுவா வந்தது. அவன் கொடுத்தது. அதை இங்கே வந்து சஞ்சய் சுப்பிரமணியன் பாட கிடைத்த பரம்பொருளை பாடி இங்க ரொம்ப அற்புதமாக அவங்க நடனத்தில வெளிக்கொண்டு வந்தாங்க. நம்ம பார்க்கறதுக்கே ரொம்ப தெய்வீகமா இருந்தது. ரொம்ப தெய்வீக கலை. இசை என்பது தெய்வீக கலை.

ஏன் என்னை பொறுத்தவரைக்கும்னு ஆன்மிகம்னு கேக்குறீங்க? உங்களுக்கும் சேர்த்துதான். ஏன் என்னை பொறுத்தவரையில் நான் ஒரு ஆளே இல்ல. ஆன்மீகம் என்று ஒன்னு தனியாக இல்லை. வாழ்க்கையே ஆன்மீகம் தான். நீங்க வாழ்றதும் ஆன்மீகம்தான்.

இவ்வாறு அவர் பேசினார்.