அன்று பிரிவு இன்று ஒற்றுமை... அப்பா - மகன் சண்டையால் நின்றுபோன திரைப்படம் - இயக்குநர் சேரன் வேதனை!

காரணம் அது 1987-ஆம் ஆண்டு காலத்து வரலாறு. 1987-லிருந்து நடந்த சம்பவங்களை முழுமையாகப் பதிவு செய்ய வேண்டும். இப்போது அந்த கிராமங்களைத் தேடினால், 2026-ஆம் ஆண்டில் 1987-ன் காலத்து கிராமங்களை எங்கே போய் தேடுவது?

தமிழ்நாடு முழுவதும் அலைந்து அந்தக்காலத்து கிராமங்களையும், சாலைகளையும் கண்டறிந்து, அப்போதைய மனிதர்களைப் போன்ற தோற்றமுடைய ஆட்களைக் கண்டுபிடித்தோம். காரணம் அந்த காலத்து ஆட்களின் தோற்றம் என்பது வேறு. இப்போது அதுபோல யாரும் இல்லை.

அதனைவைத்து ஒன்றரை வருடமாக தகவல்களை திரட்டி வைத்திருந்தால், அந்தப் படம் நடக்கவில்லை. இது எவ்வளவு பெரிய வலி. அவர்கள் வேண்டுமானால் சொல்லலாம், “நாங்கள் உங்களுக்கு அந்தப் பணி செய்த வரைக்கும் சம்பளம் கொடுத்துவிட்டோமே” என்று. ஆனால் எங்களுக்குத் தேவை சம்பளம் அல்ல, நான் எடுத்தப் படம் வெளியே வரவேண்டும்.

ஆனால் அது நடக்கவில்லை, நின்றுவிட்டது. அதற்கு காரணம் என்ன அப்பா-மகன் சண்டை போட்டனர், படம் நின்றுவிட்டது. இப்போது அப்பா- மகனும் சேர்ந்துவிட்டார்கள், ஆனால் படம் எடுக்க ஆளில்லை. என்ன செய்வது?

இதுதான் சினிமாத் துறையின் அவலம். அதுபோலத்தான் சினிமா என்பது எங்கு நம்மைத் தூக்கி நிறுத்தும், எங்கு நம்மை ஏமாற்றும், எங்கு நம்மை உட்கார வைக்கும் என்று யாருக்கும் தெரியாது.” என சேரன் தெரிவித்தார்.