தமிழ் சினிமாவில் ரீ என்ட்ரி கொடுத்து சாதித்த நடிகைகள்!

லைலா

2000ம் ஆண்டுகளில் தமிழ் சினிமாவின் முன்னணி நடிகையாக வலம் வந்தவர் லைலா. திருமணம் மற்றும் குடும்ப வாழ்க்கை காரணமாக சினிமாவில் இருந்து விலகியிருந்த லைலா, சுமார் 16 ஆண்டுகளுக்குப் பிறகு ‘சர்தார்’ படத்தின் மூலம் மீண்டும் திரையில் தோன்றினார்.

நீண்ட இடைவெளிக்குப் பிறகு திரும்பியிருந்தாலும், லைலாவின் முகத்தை ரசிகர்கள் மறக்கவில்லை. அவர் கன்னக்குழியுடன் திரையில் தோன்றிய தருணமே ரசிகர்களுக்கு பழைய நினைவுகளை மீண்டும் கொண்டு வந்தது. ஹீரோயினாக நடித்த காலத்தை தாண்டி, கதைக்கு முக்கியத்துவம் உள்ள கதாபாத்திரங்களை ஏற்றுக்கொண்டு தனது இரண்டாவது இன்னிங்சை தொடங்கியுள்ளார்.

காஜல் அகர்வால்

தமிழ் சினிமாவின் முன்னணி நடிகைகளில் ஒருவராக இருந்த காஜல் அகர்வால், திருமணம் மற்றும் குழந்தை பிறப்பு காரணமாக சினிமாவில் இடைவெளி எடுத்தார். பின்னர் மீண்டும் திரும்பிய காஜல், தனது கேரியரை தொடர்ச்சியாக முன்னெடுத்து வருகிறார்.

திருமணத்திற்கு பிறகு நடிகைகளின் சினிமா வாய்ப்பு குறைந்து விடும் என்ற பழைய பார்வையை மாற்றியவர்களில் காஜலும் ஒருவர். கதாபாத்திரங்களை தேர்வு செய்வதில் புதிய அணுகுமுறையை கடைப்பிடித்து, தனது இடத்தை மீண்டும் தக்க வைத்துள்ளார்.

ரோஜா

இதேபோல் தமிழ் சினிமா ரசிகர்களின் மனதை கொள்ளை கொண்ட ரோஜா குடும்ப வாழ்க்கை மற்றும் அரசியல் பயணத்திற்காக சினிமா நடிப்பிற்கு பல ஆண்டுகள் ஓய்வு கொடுத்திருந்தார். இந்நிலையில் 12 ஆண்டுகளுக்குப் பிறகு மீண்டும் தமிழ் சினிமாவில் ரோஜா நடிக்க தொடங்கியுள்ளார். லெனின் பாண்டியன், அன்பே டயானா போன்ற படங்களில் அவரது கதாபாத்திரம் நல்ல வரவேற்பை பெற்றுள்ளது.