பல நாடுகளில் டெஸ்டிங்கை தொடங்கிய யமஹா E01 இ ஸ்கூட்டர்

பல்வேறு சர்வதேச சந்தைகளில் காட்சிப்படுத்தப்பட்டதை அடுத்து, யமஹா E01 எலெக்ட்ரிக் ஸ்கூட்டர் தற்போது டெஸ்டிங் கட்டத்தை எட்டியுள்ளது. அதன்படி முதற்கட்டமாக மலேசியா, தாய்லாந்து, தாய்வான் மற்றும் இந்தோனேசியா போன்ற நாடுகளில் யமஹா E01 எலெக்ட்ரிக் ஸ்கூட்டர் சோதனை நடைபெற்று வருகிறது. 

இந்த ஸ்கூட்டர் ஐரோப்பா மற்றும் ஜப்பானிலும் டெஸ்டிங் செய்யப்படும் என ப்ரூஃப் ஆப் கான்செப்ட் திட்டமிடலில் ஈடுபட்டுள்ள யசுஷி நொமுரா தெரிவித்து இருக்கிறார். ஐரோப்பிய நெடுஞ்சாலைகளில் யமஹா E01 டெஸ்டிங் செய்யப்பட்டு, வானிலை சூழ்நிலைகளில் ஸ்கூட்டர் எவ்வாறு தாக்குப்பிடிக்கிறது என்பதை அறிந்து கொள்ள யமஹா ஜப்பான் முடிவு செய்து இருக்கிறது.