மேஷம் - தமிழ் மாத ஜோதிடம்

2024 கார்த்திகை மாத ராசிபலன்

Published:15th Nov, 2024 at 7:55 AM

மனதில் பட்டதை மறைக்காமல் பேசும் மேஷ ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் செவ்வாய் கடக ராசியில் நீச்சம் பெற்று சஞ்சரிக்கிறார். எனவே எல்லா காரியங்களிலும் கவனத்தோடு இருக்க வேண்டிய நேரம் இது. குறிப்பாக ஆரோக்கியத்தில் அக்கறை தேவை.

மருத்துவச் செலவுகளும், மற்ற வழிகளில் வீண் விரயங்களும் ஏற்படலாம். திட்டமிட்ட காரியங்களை செயல்படுத்துவதில் பிரச்சினை வரலாம். எதையும் யோசித்துச் செய்வது நல்லது. பொருளாதாரத்தைப் பொறுத்தவரை வரவு திருப்தி தரும். என்றாலும் செலவு இருமடங்காகும்.

குரு வக்ரம்

ரிஷப ராசியில் சஞ்சரிக்கும் குரு பகவான், இந்த மாதம் முழுவதும் வக்ரம் பெறுகிறார். உங்கள் ராசிக்கு 9, 12-க்கு அதிபதியானவர், குரு. விரயாதிபதியான அவர் வக்ரம்பெறுவது நன்மைதான். என்றாலும் பாக்கியாதிபதியாகவும் அவர் விளங்குவதால், ஒருசில காரியங்களில் தடை, தாமதம் வரத்தான் செய்யும்.

பெற்றோரின் உடல்நலனில் கவனம் தேவை. உற்றார், உறவினர்களின் பகை அதிகரிக்கும். குடும்பப் பிரச்சினைகளை தைரியத்தோடு எதிர்கொள்வீர்கள். கொடுக்கல்-வாங்கல்களில் பொறுப்பு சொல்வதால், தேவையற்ற பிரச்சினைகள் ஏற்படும்.

கடகத்தில் சஞ்சரிக்கும் செவ்வாய், இந்த மாதம் முழுவதும் கும்பத்தில் சஞ்சரிக்கும் சனியைப் பார்க்கிறார். உங்கள் ராசிக்கு தொழில் மற்றும் லாப ஸ்தானத்திற்கு அதி பதியானவர், சனி பகவான். அவர் சிறப்பாக செயல்பட்டால்தான் தொழில் வளர்ச்சியும், லாபமும் கிடைக்கும். ஆனால் பகைக் கிரகமான செவ்வாயின் பார்வையால், தொழில் மற்றும் உத்தியோகத்தில் குறுக்கீடுகள் அதிகரிக்கும்.

கார்த்திகை 18-ந் தேதி, மகர ராசிக்கு சுக்ரன் செல் கிறார். உங்கள் ராசிக்கு 2, 7 ஆகிய இடங்களுக்கு அதிபதியான சுக்ரன், 10-ம் இடத்தில் சஞ்சரிப்பது யோகம்தான். இக்காலம் ஒரு இனிய காலமாக அமையும். சிக்கல்களில் இருந்தும், சிரமங்களில் இருந்தும் விடுபடுவீர்கள். பக்கபலமாக இருப்பவர்கள், உங்கள் பணத்தேவையைப் பூர்த்தி செய்யவும் முன்வருவர். தொழில் வளர்ச்சி சிறப்பாக இருக்கும்.

கடக ராசியில் சஞ்சரிக்கும் செவ்வாய், கார்த்திகை 18-ந் தேதி வக்ரம் பெறுகிறார். செவ்வாய், உங்கள் ராசிநாதனாக மட்டுமல்லாமல் அஷ்டமாதிபதியாகவும் விளங்குபவர். அவர் வக்ரம் பெறும் இந்த நேரத்தில் சில இடர்பாடுகள் நீங்கும். நீண்டநாட்களாக கைகூடாத காரியங்கள் கைகூடும். கடன்சுமை குறைய புதிய யுக்திகளைக் கையாள்வீர்கள். உடன்பிறப்புகளின் உதவி கிடைத்து மகிழ்வீர்கள். இடமாற்றம் இனிமை தரும் விதம் அமையும். பொதுவாழ்வில் உள்ளவர்களுக்கு புதிய நண்பர்களின் அறிமுகம் கிடைக்கும்.