search icon
என் மலர்tooltip icon

    நீங்கள் தேடியது "toss"

    • டாஸ் வென்ற ஆஸ்திரேலிய அணி பவுலிங்கை தேர்வு செய்தது
    • கருப்பு மண் இரவில் கான்க்ரீட் போலாகி விடும் என பெய்லி தெரிவித்தார்

    நான்கு வருடங்களுக்கு ஒரு முறை நடைபெறும் ஐசிசி ஆண்கள் கிரிக்கெட் உலக கோப்பை 2023 போட்டி தொடர் கடந்த அக்டோபர் 5 அன்று தொடங்கி, நவம்பர் 19 அன்று நிறைவடைந்தது.

    இந்த போட்டி தொடரில் அனைத்து போட்டிகளிலும் வெற்றி பெற்று வந்த இந்தியா, இறுதி போட்டியில் ஆஸ்திரேலியாவை எதிர்கொண்டது. வெற்றி உறுதி என பெரிதும் எதிர்பார்க்கப்பட்ட நிலையில் இந்தியா அதிர்ச்சி தோல்வி அடைந்தது.

    நட்சத்திர வீரர்களான விராட் கோலி மற்றும் ரோகித் சர்மா உள்ளிட்ட திறமையான வீரர்கள் இருந்தும் இந்திய அணி தோல்வியுற்றது, இந்திய கிரிக்கெட் ரசிகர்களை சோகத்தில் ஆழ்த்தியது.

    போட்டியின் தொடக்கத்தில் ஆஸ்திரேலியா டாஸ் வென்றது. அதன் கேப்டன், பவுலிங்கை தேர்வு செய்தார். முதலில் ஆடிய இந்தியாவை ஆஸ்திரேலிய அணி 240 ரன்களுக்கு கட்டுப்படுத்தியது. பிறகு ஆடிய அந்த அணி முதலில் 3 விக்கெட்டுகளை இழந்தாலும், டிராவிஸ் ஹெட் அடித்த சதத்தினால் எளிதாக உலக கோப்பையை வென்றது.


    இந்திய அணியின் தோல்விக்கான காரணம் குறித்து பல முன்னாள் மற்றும் இந்நாள் கிரிக்கெட் வீரர்கள் கருத்துக்களை கூறி வருகின்றனர்.

    இந்திய அணியின் ஆல்-ரவுண்டரான ரவிச்சந்திரன் அஸ்வின் இது குறித்து கருத்து தெரிவித்தார்.

    அதில் அவர் கூறியதாவது:

    நான் ஆஸ்திரேலிய தேர்வாளர் ஜார்ஜ் பெய்லியை சந்தித்து உரையாடும் போது, எப்போதும் முதலில் ஆடுவதை விரும்பும் ஆஸ்திரேலிய அணியினர், டாஸ் வென்றும் ஏன் பவுலிங்கை தேர்வு செய்தார்கள் என கேட்டேன்.

    அதற்கு பெய்லி, "ஐபிஎல் (IPL) மற்றும் பல இருதரப்பு போட்டிகள் இங்கு நாங்கள் விளையாடி உள்ளோம். சிவந்த மண் நேரம் செல்ல செல்ல தளர்ந்து போகும். ஆனால், கருப்பு மண் அப்படி அல்ல; மாலை விளக்கு ஓளியில் நன்றாக தெரியும். சிவந்த மண்ணில் பனிப்பொழிவு எந்த பாதிப்பையும் ஏற்படுத்தாது. கருப்பு மண் மதிய வேளையில் பந்தை நன்றாக 'டர்ன்' செய்யும். பிறகு இரவு நேரத்தில் கான்க்ரீட் போன்று ஆகி விடும்" என கூறினார்.

    நான் அவர் பதிலால் ஆச்சரியம் அடைந்தேன்.

    இவ்வாறு அஸ்வின் தெரிவித்தார்.

    பவுலிங், பேட்டிங், ஃபீல்டிங் என அனைத்திலும் சிறப்பாக விளையாடிய ஆஸ்திரேலிய அணியினர், டாஸ் வென்றால் என்ன செய்ய வேண்டும் என்பதை துல்லியமாக திட்டமிட்டு கோப்பையை வென்றதை சமூக வலைதளங்களில் கிரிக்கெட் ரசிகர்கள் பாராட்டி வருகின்றனர்.

    பிக்பாஷ் 20 ஓவர் கிரிக்கெட்டில் ‘டாஸ்’ போடுவதற்கு நாணயத்துக்கு பதிலாக பேட்டை பயன்படுத்த முடிவு செய்யப்பட்டுள்ளது. இதற்காக பிரத்யேகமான பேட் தயாரிக்கப்பட்டு இருக்கிறது. #BigBashCricket
    பிரிஸ்பேன்:

    ஆஸ்திரேலிய கிரிக்கெட் வாரியம் சார்பில் நடத்தப்படும் பிக்பாஷ் 20 ஓவர் கிரிக்கெட் போட்டியின் 8-வது சீசன் வருகிற 19-ந்தேதி பிரிஸ்பேனில் தொடங்குகிறது. இந்த கிரிக்கெட் தொடரில் புதிய முறை ஒன்று புகுத்தப்படுகிறது. வழக்கமாக யார் முதலில் பேட்டிங் அல்லது பந்து வீச்சை தேர்வு செய்வது என்பதை முடிவு செய்ய, நாணயத்தை மேலே சுண்டி விட்டு (டாஸ்), பூவா-தலையா கேட்பார்கள். இதை சரியாக சொல்லும் அணியின் கேப்டன் பேட்டிங்-பந்து வீச்சை தீர்மானிப்பார்.

    ஆனால் இந்த தொடரில் நாணயத்தை வைத்து ‘டாஸ்’ போடுதல் நீக்கப்பட்டு, பேட்டை மேலே தூக்கி போட்டு முடிவு செய்ய இருக்கிறார்கள். அதாவது பேட்டின் அடிப்பாகம் மற்றும் மேல்பாகம் இவற்றில் எது முதலில் தரையில் படுகிறதோ அதன் அடிப்படையில் முடிவு செய்யப்படும். இதற்காக பிரத்யேகமான பேட் தயாரிக்கப்பட்டு இருக்கிறது. #BigBashCricket
    டெஸ்ட் கிரிக்கெட் போட்டியில் ‘டாஸ்’ போடும் முறையை வழக்கம் போல் தொடரும் என்று ஐ.சி.சி. கிரிக்கெட் கமிட்டி கூட்டத்தில் முடிவு செய்யப்பட்டது. #ICC #TestCricket #toss
    மும்பை:

    கிரிக்கெட் போட்டியில் எந்த அணி முதலில் பேட்டிங் செய்வது, யார் முதலில் பந்து வீசுவது என்பது ‘டாஸ்’ போட்டு தீர்மானம் செய்யப்பட்டு வருகிறது. அதாவது உள்நாட்டு அணி கேப்டன் நாணயத்தை மேலே சுண்டி விட்டு பூவா? தலையா? என்று எதிரணி கேப்டனிடம் கேட்பார். அவற்றில் இரண்டில் ஒன்றை எதிரணி கேப்டன் சொல்வார். ‘டாசில்’ எந்த அணி கேப்டன் ஜெயிக்கிறாரோ? அவர் தான் யார் முதலில் பேட்டிங் செய்வது அல்லது யார் முதலில் பவுலிங் செய்வது என்பதை முடிவு செய்வார். டெஸ்ட் போட்டியில் டாஸ் போடும் முறையை ஒழிக்கலாமா? என்று சர்வதேச கிரிக்கெட் கவுன்சில் (ஐ.சி.சி.) ஆலோசனை செய்து வந்தது. இந்த நிலையில் மும்பையில் கும்பிளே தலைமையில் நேற்று நடந்த ஐ.சி.சி. கிரிக்கெட் கமிட்டி கூட்டத்தில், ‘டெஸ்ட் கிரிக்கெட் போட்டியில் ‘டாஸ்’ போடும் முறையை வழக்கம் போல் தொடருவது என்று முடிவு செய்யப்பட்டது. மேலும் வீரர்கள் நடத்தை விதிமுறையை மீறினாலோ? பந்தை சேதப்படுத்துதல் போன்ற தவறான செயலில் ஈடுபட்டாலோ? தண்டனையை அதிகப்படுத்த வேண்டும்’ என்றும் முடிவு செய்யப்பட்டு இருக்கிறது.



    அத்துடன் வீரர்கள் நடத்தை விதிமுறையில் சில திருத்தங்கள் கொண்டு வரவும், ஆடுகளம் (பிட்ச்) பந்து வீச்சு மற்றும் பேட்டிங்குக்கு சம அளவில் கைகொடுக்கும் வகையில் தயாரிக்க வேண்டும். போட்டி நடுவர்களுக்கு தண்டனை வழங்குவதில் கூடுதல் அதிகாரங்கள் வழங்குவது என்பது உள்பட பல்வேறு சிபாரிசுகளை கிரிக்கெட் கமிட்டி ஐ.சி.சி.க்கு பரிந்துரை செய்துள்ளது. இந்த சிபாரிசுகள் குறித்து ஐ.சி.சி. செயற்குழுவில் விவாதித்து இறுதி முடிவு எடுக்கப்படும். #ICC #TestCricket #toss
    ×