இந்தியன் சூப்பர் லீக் கால்பந்து -சென்னையை வீழ்த்தியது கோவா

கோவா:

இந்தியன் சூப்பர் லீக் கால்பந்து தொடரின் 86-வது லீக் ஆட்டம் கோவாவின் திலக் மைதானத்தில் நடைபெற்றது. இதில் எஃப்சி கோவா அணியும், சென்னையின் எஃப்சி அணியின் மோதின. 

ஆரம்பம் முதலே ஆதிக்கம் செலுத்திய கோவா வீரர்கள்  தங்களுக்கு கிடைத்த வாய்ப்புகளை பயன்படுத்தி கோல் அடித்தனர். 

முதல் பாதியில் அந்த அணி 4 கோல்களுடன் முன்னிலை பெற்றது. இரண்டாவது பாதியிலும் அந்த அணி மேலும் ஒரு கோல் அடித்து 5-0 என்ற கணக்கில் வெற்றி பெற்றது. 

இந்த ஆட்டத்தில் கோவா வீரர் ஜோர்ஜ் ஒர்டிஸ் ஹாட்ரிக் கோல் அடித்தார். மேலும் அந்த அணியை சேர்ந்த மாகன் சோட்டே மற்றும் நாராயண் தாஸ் ஆகியோர் தலா ஒரு கோல் அடித்தனர்.

சென்னை அணி தொடர்ச்சியாக 2வது தோல்வியை சந்தித்துள்ளது. முன்னாள் சாம்பியனான சென்னை அணி 16 போட்டிகளில் 19 புள்ளிகளுடன் தொடர்ந்து பட்டியலில் எட்டாவது இடத்தைப் பிடித்தது.

இதையும் படியுங்கள்... இந்தியா-பாகிஸ்தான் போட்டிக்கு 5 நிமிடத்தில் விற்றுத்தீர்ந்த டிக்கெட்டுகள்