தென்னாப்ரிக்கா அணியின் முன்னணி பேட்ஸ்மேனான டிவில்லியர்ஸ் அனைத்து வகை சர்வதேச கிரிக்கெட் போட்டிகளில் இருந்தும் ஒய்வு பெறுவதாக சமீபத்தில் வெளியிட்ட வீடியோ பதிவில் கூறினார். இது அவரது ரசிகர்கள் மற்றும் கிரிக்கெட் வீரர்களை அதிர்ச்சி அடைய செய்தது. இதையடுத்து பலரும் அவருக்கு வாழ்த்து தெரிவித்து வருகின்றனர்.
இந்நிலையில், ஐபிஎல் போட்டிகளில் டிவில்லியர்ஸ் விளையாடும் ராயல் செலஞ்சர்ஸ் பெங்களூர் அணியின் கேப்டனான விராட் கோலி, அவருக்கு டுவிட்டர் மூலம் வாழ்த்து செய்தி ஒன்றை அனுப்பியுள்ளார். அதில் டிவில்லியர்சை சகோதரர் என குறிப்பிட்டுள்ளார்.
கோலி பதிவு செய்துள்ள டுவிட்டில், சகோதரா, உன் வாழ்வில் இனி நீ செய்யும் அனைத்தும் செயல்களும் வெற்றியடைய வாழ்த்துக்கள். நீங்கள் சர்வதேச கிரிக்கெட்டில் விளையாடிய நேரத்தில் பேட்டிங் செய்யும் முறையை மாறிவிட்டீர்கள். இனி உன்னுடைய குடும்பத்துடன், உனது அற்புதமான பயணத்திற்காக வாழ்த்துகிறேன்.
இவ்வாறு அதில் கோலி கூறியுள்ளார். #ABDRetires #ABDevilliers #ViratKohli