கன்னியாகுமரி வாவத்துறையில் தூய ஆரோக்கியநாதர் ஆலயம் உள்ளது. இந்த ஆலய திருவிழா கொடியேற்றத்துடன் தொடங்கியது. இந்த திருவிழா 20-ந் தேதி வரை நடக்கிறது. கொடியேற்ற விழாவில் கோட்டார் மறைமாவட்ட ஆயர் நசரேன்சூசை பங்கேற்று திருக்கொடியை ஏற்றி மறையுரையாற்றினார். விழாவில் பங்குதந்தை ஜாண்ஜோர் கென்சன் மற்றும் பங்கு பேரவை நிர்வாகிகள், பங்கு மக்கள் திரளாக கலந்துகொண்டனர்.
தொடர்ந்து திருவிழா நாட்களில் திருப்பலி, மறையுரை, ஜெபமாலை, நற்கருணை ஆசீர், கலை நிகழ்ச்சிகள் நடக்கின்றன. நிறைவு திருவிழாவன்று காலையில் ஆடம்பர மாலை ஆராதனை, திருவிழா திருப்பலி, சப்பர பவனி ஆகியவை நடக்கிறது. விழா ஏற்பாடுகளை ஆலய பங்கு தந்தை, பங்கு பேரவையினர் மற்றும் பங்கு மக்கள் செய்து வருகிறார்கள்.
