உலக ஆக்கி லீக் அரைஇறுதி சுற்று: இந்தியா - கனடா இன்று மோதல்

லண்டன் :

உலக ஆக்கி லீக் அரைஇறுதி சுற்று போட்டி லண்டனில் நடந்து வருகிறது. இதில் பங்கேற்றுள்ள 10 அணிகள் 2 பிரிவாக பிரிக்கப்பட்டு லீக் ஆட்டங்களில் மோதி வருகின்றன. இதில் இன்று நடைபெறும் லீக் ஆட்டத்தில் இந்திய அணி, கனடாவை எதிர்கொள்கிறது.

இந்திய அணி முதல் ஆட்டத்தில் 4-1 என்ற கோல் கணக்கில் ஸ்காட்லாந்தை தோற்கடித்து இருந்தது. இந்த போட்டி குறித்து இந்திய அணி கேப்டன் மன்பிரீத்சிங் கருத்து தெரிவிக்கையில், ‘எதிர் வரும் ஆட்டங்களில் ஆக்ரோஷமாக விளையாடி லீக் முடிவில் புள்ளி பட்டியலில் முதலிடத்தை பிடிப்பதே எங்கள் நோக்கமாகும்’ என்றார்.