ஐசிசி உலகக்கோப்பை குவாலிபையர் தொடரில் வெஸ்ட் இண்டீஸ் அணி நேற்று பப்புவா நியூ கினியா அணியை எதிர்கொண்டது. டாஸ் வென்ற பப்புவா நியூ கினியா அணி முதலில் பேட்டிங்கை தேர்வு செய்தது.
அதன்படி, டோனி உரா, மோரியா ஆகியோர் தொடக்க வீரர்களாக களம் இறங்கினார்கள். டோனி உரா ஓரளவு விளையாடி 37 ரன்கள் எடுத்து அவுட்டானார். மற்ற வீரர்கள் யாரும் நிலைத்து நின்று ஆடவில்லை. கேப்டன் ஆசாத் வலா மட்டும் தாக்குப் பிடித்து அரை சதமடித்தார். அவர் 59 ரன்கள் எடுத்தார். மேலும் சார்லஸ் அமினி, நார்மன் வனுவா ஆகியோரும் தலா 35 ரன்கள் எடுத்தனர்.
இறுதியில், அந்த அணி 42.4 ஓவரில் அனைத்து விக்கெட்டுகளையும் இழந்து 200 ரன்களுக்கு சுருண்டது. வெஸ்ட் இண்டீஸ் அணி சார்பில் பிராத்வொயிட் 5 விக்கெட்டும், மிலர் 2 விக்கெட்டும், நர்ஸ், வில்லியம்ஸ் ஆகியோர் தலா ஒரு விக்கெட்டையும் கைப்பற்றினர்.
இதையடுத்து, 201 ரன்கள் எடுத்தால் வெற்றி என்ற எளிதான இலக்குடன் வெஸ்ட் இண்டீஸ் அணி இறங்கியது. தொடக்க ஆட்டக்காரர்களாக லெவிசும், ஹெய்மரும் களமிறங்கினர். இருவரும் விரைவில் அவுட்டாகினர். அதன்பின் களமிறங்கிய ஹோப் நிதானமாக ஆடினார். அவருக்கு ஜேசன் ஹோல்டர் சிறப்பான ஒத்துழைப்பு கொடுத்து அரை சதமடித்தார்.
இறுதியில், வெஸ்ட் இண்டிஸ் அணி 43 ஓவரில் 4 விக்கெட் இழப்புக்கு 201 ரன்கள் எடுத்து வெற்றி பெற்றது. ஹோல்டர் ஒரு ரன்னில் சதத்தையும், ஹோப் ஒரு ரன்னில் அரை சதத்தையும் எடுக்காமல் அவுட்டாகாமல் இருந்தனர்.
பப்புவா நியூ கினியா தரப்பில் வனுவா, நாவ் மற்றும் அமினி ஆகியோர் தலா ஒரு விக்கெட்டும் எடுத்தனர். இதையடுத்து, 6 விக்கெட் வித்தியாசத்தில் வெஸ்ட் அணி வெற்றி பெற்றது.