ஐ.சி.சி. சாம்பியன்ஸ் டிராபி தொடர் தொடங்குவதற்கு முன் டி வில்லியர்ஸ் முதல் இடத்தில் இருந்தார். வார்னர் 2-வது இடத்திலும், விராட் கோலி 3-வது இடத்திலும் இருந்தனர்.
சாம்பியன்ஸ் டிராபியில் இரண்டு அரை சதங்கள் அடித்ததன் மூலம் விராட் கோலி முதல் இடத்திற்கு முன்னேறியுள்ளார். விராட் கோலி 862 புள்ளிகளுடன் முதல் இடத்தில் உள்ளார். ஆஸ்திரேலிய தொடக்க பேட்ஸ்மேன் வார்னர் 861 புள்ளிகளுடன் 2-வது இடத்திலும், டி வில்லியர்ஸ் 847 புள்ளிகளுடன் 3-வது இடத்திலும் உள்ளனர்.
சாம்பியன்ஸ் டிராபி தொடரில் இரண்டு அரை சதங்களும், ஒரு சதமும் விளாசிய தவான் 10-வது இடத்திற்கு முன்னேறியுள்ளார்.