மாட்ரிட்:
மாட்ரிட் ஓபன் சர்வதேச டென்னிஸ் போட்டி ஸ்பெயினில் நடந்து வருகிறது. களிமண் தரையில் நடக்கும் இந்த போட்டியின் அரையிறுதி நேற்று நடைபெற்றது.
இந்த போட்டியில், 7ம் நிலை வீரரான ஆஸ்திரியாவின் டொமினிக் தீம் மற்றும் தென் ஆப்பிரிக்காவின் கெவின் ஆண்டர்சன் ஆகியோர் மோதினர்.
தொடக்கத்தில் இருந்து சிறப்பாக ஆடிய டொமினிக் தீம் 6-4 என்ற கணக்கில் முதல் சுற்றை கைப்பற்றினார். தொடர்ந்து பொறுப்புடன் ஆடிய டொமினிக் தீம் 6-2 என்ற கணக்கில் இரண்டாவது சுற்றையும் கைப்பற்றி அசத்தினார்.
இதையடுத்து, 6-4, 6-2 என்ற கணக்கில் கெவின் ஆண்டர்சனை வீழ்த்திய டொமினிக் தீம் முதல் முறையாக இறுதி போட்டிக்குள் நுழைந்தார்.
இவர் காலிறுதியில் ஸ்பெயின் வீரர் ரபெல் நடாலை தோற்கடித்தவர் என்பது குறிப்பிடத்தக்கது. #MadridOpen #DominicThiem