தெலுங்கானா மாநிலம் நல்கொண்டா மாவட்டம் மிர்யலாகுடா பகுதியை சேர்ந்த பாலசாமி- பிரேமலதா தம்பதியின் மகன் பிரனய் குமார் (22). இவரும் அப்பகுதியை சேர்ந்த தொழில் அதிபர் மாருதிராவ் மகள் அம்ருதாவும் பள்ளியில் ஒன்றாக படித்த போது நண்பர்களாக பழகி வந்தனர். பின்னர் நாளடைவில் இருவரும் காதலித்து வந்தனர்.
இந்த காதலுக்கு அம்ருதா குடும்பத்தினர் கடும் எதிர்ப்பு தெரிவித்தனர். பிரனய்குமார் தாழ்ந்த ஜாதியை சேர்ந்தவர் என்பதால் காதல் ஜோடியை பிரிக்க முயன்றனர்.
இதையடுத்து பிரனய்குமார்- அம்ருதா கடந்த ஜனவரி மாதம் ஐதராபாத்தில் உள்ள ஆரிய சமாஜில் திருமணம் செய்து கொண்டனர்.
இதனால் அம்ருதாவின் தந்தை மாருதிராவ் கடும் ஆத்திரத்தில் இருந்தார். இருதரப்பினர் இடையே அடிக்கடி தகராறு ஏற்பட்டது. இது தொடர்பாக போலீசிலும் புகார் செய்யப்பட்டது.
இதற்கிடையே அம்ருதா கர்ப்பம் அடைந்தார். அவரை மருத்துவ பரிசோதனைக்காக பிரனய் ஆஸ்பத்திரிக்கு அழைத்து சென்றார். அவர்களுடன் பிரனய் தாய் பிரேமலதாவும் உடன் சென்றார்.
இதை பார்த்து அதிர்ச்சி அடைந்த அம்ருதா, பிரேமலதா கதறியபடி உதவிக்காக ஆஸ்பத்திரிக்குள் ஓடினார்கள். பிரனய்வை பரிசோதித்த டாக்டர்கள் அவர் இறந்துவிட்டதாக தெரிவித்தனர்.
பிரனய் வெட்டி கொலை செய்யப்பட்ட காட்சிகள் ஆஸ்பத்திரியில் பொருத்தப்பட்டிருந்த கண்காணிப்பு கேமராவில் பதிவாகி இருந்தது. டி.வி.யில் வெளியான அந்த காட்சிகளை பார்த்து பொதுமக்கள் கடும் அதிர்ச்சி அடைந்தனர்.
அம்ருதாவை தாழ்ந்த ஜாதியை சேர்ந்த பிரனய் திருமணம் செய்ததால் அவரை கூலிப்படையை ஏவி தந்தை மாருதிராவ் கொலை செய்து இருப்பது தெரிய வந்தது.
