வடகாடு:
வடகாடு அருகே புள்ளான்விடுதி மேற்கில் இருந்து வாணக்கன்காட்டிற்கு செல்லும் தார்சாலை பெயர்ந்து குண்டும், குழியுமாக மாறி பல்லாங்குழியாக காட்சி அளிக்கிறது. இதனால் இந்த சாலை வழியாக செல்லும் பொதுமக்கள் மற்றும் விவசாயிகள் தங்களது விவசாய விளை பொருட்களை மோட்டார் சைக்கிள் மற்றும் சைக்கிள்களில் கொண்டு செல்ல முடியாத நிலைக்கு தள்ளப்பட்டுள்ளனர். எனவே அந்த சாலையை சீரமைத்து தர வேண்டும் என்று அப்பகுதி மக்கள் கோரிக்கை விடுத்துள்ளனர்.