இந்தியா தரமான அணி என்பதை டெஸ்ட் தொடரில் நிரூபித்து காட்டியது. அதனால் ஒரு நாள் தொடரில் அதே போன்ற சவாலையும், வேகத்தையும் அவர்களிடம் இருந்து எதிர்பார்க்கிறோம். இந்திய அணியில் சிறந்த சுழற்பந்து வீச்சாளர்கள் இருக்கிறார்கள்.
யுஸ்வேந்திர சாஹல், குல்தீவ் யாதவுக்கு எதிராக 20 ஓவர் கிரிக்கெட் மற்றும் ஐ.பி.எல். போட்டியில் ஆடியிருக்கிறேன். சமீப காலமாக இந்தியாவின் வெற்றிகரமான பவுலர்களாக வலம் வருகிறார்கள். ஆனால் ஒரு நாள் கிரிக்கெட்டில் இங்குள்ள ஆடுகளங்களில் பந்து பெரிய அளவில் சுழன்று திரும்பாது. அதே சமயம் அவர்கள் கட்டுக்கோப்புடன் பந்து வீசக்கூடியவர்கள். விக்கெட் வீழ்த்த எப்போதும் முனைப்பு காட்டும் அவர்கள் போன்ற சுழற்பந்து வீச்சாளர்கள் இருப்பது இந்திய அணிக்கு சாதகமான விஷயமாகும்.
