இருவரும் தொடக்கம் முதலே அதிரடி ஆட்டத்தை வெளிப்படுத்தினார்கள். தென்ஆப்பிரிக்காவின் ஸ்கோர் 17.5 ஓவரில் 119 ரன்னாக இருக்கும்போது இந்த ஜோடி பிரிந்தது. பவுமா 47 பந்தில் 5 பவுண்டரியுடன் 48 ரன்கள் எடுத்து அரைசதத்தை கோட்டைவிட்டார்.
அறிமுக போட்டியில் அரைசதம் அடித்த மார்கிராம்
மறுமுனையில் விளையாடிய டி காக் 68 பந்தில் 9 பவுண்டரி, 1 சிக்சருடன் 73 ரன்கள் சேர்த்தார். அடுத்து வந்த கேப்டன் டு பிளிசிஸ், மார்கிராம் ஆகியோரும் சிறப்பான ஆட்டத்தை வெளிப்படுத்தினார்கள். மார்கிராம் தனது அறிமுக போட்டியில் 66 ரன்கள் சேர்த்தார். டு பிளிசிஸ் 67 பந்தில் 10 பவுண்டரி, 1 சிக்சருடன் 91 ரன்கள் எடுத்த நிலையில் ரிட்டையர்டு ஹர்ட் மூலம் வெளியேறினார்.
காயம் அடைந்த டு பிளிசிஸ் மைதானத்தில் இருந்து வெளியேறும் காட்சி