நேபாளம் நாட்டைச் சேர்ந்த இளம் சுழற்பந்து வீச்சாளர் சந்தீப் லாமிச்சானே. 19 வயதான இவர் கடந்த பிக் பாஷ் டி20 லீக்கில் மெல்போர்ன் ஸ்டார்ஸ் அணிக்காக விளையாடினார். 8 போட்டிகளில் விளையாடி 11 விக்கெட்டுக்கள் வீழ்த்தினார். ஓவருக்கு தலா 6.57 ரன்களே விட்டுக்கொடுத்துள்ளார்.
சிறப்பாக பந்து வீசிய சந்தீப் லாமிச்சானே 8 போட்டிகளிலேயே விளையாடினார். அதன்பின் ஐக்கிய அரபு எமிரேட்ஸ் அணிக்கெதிரான தொடரில் விளையாடுவதற்காக சென்றுவிட்டார். அதேபோல் வங்காளதேச பிரிமீயர் லீக்கில் விளையாடுவதற்கும் சென்றுவிட்டார்.
தற்போது முழுத்தொடரிலும் விளையாடும் வகையில் மெல்போர்ன் ஸ்டார்ஸ் அணி சந்தீப்பை ஒப்பந்தம் செய்துள்ளது.