ரேசர் நிறுவனத்தின் அதிகம் எதிர்பார்க்கப்பட்ட ரேசர் போன் லண்டனில் நடைபெற்ற விழாவில் அறிமுகம் செய்யப்பட்டது. நெக்ஸ்பிட் நிறுவனத்தை கைப்பற்றிய சில மாதங்களில் அறிமுகமாகியுள்ள புதிய ஸ்மார்ட்போனில் 5.72 இன்ச் குவாட் எச்டி, 120 Hz அல்ட்ராமோஷன் டிஸ்ப்ளே வழங்கப்பட்டுள்ளதால் கேமிங் செய்ய சீரான அனுபவத்தை வழங்கும்.
இந்த ஸ்மார்ட்போனின் அல்ட்ரா மோஷன் அடாப்டிவ் ரீஃப்ரெஷ் தொழில்நுட்பமானது GPU மற்றும் டிஸ்ப்ளே கொண்டு அதிக திறனுள்ள பயன்பாடுகளின் போதும் ஸ்மார்ட்போனின் வேகம் குறையாமல் பார்த்து கொள்ளும் என ரேசர் தெரிவித்துள்ளது. ஸ்னாப்டிராகன் 835 பிராசஸர் மற்றும் 8 ஜிபி ரேம் மற்றும் ஆண்ட்ராய்டு 7.1.12 நௌக்கட் இயங்குதளம் கொண்டு இயங்குகிறது.
டூயல் 12 எம்பி பிரைமரி கேமரா, முன்பக்கம் ஸ்டீரியோ ஸ்பீக்கர்கள் மற்றும் டால்பி அட்மோஸ் வசதி வழங்கப்பட்டுள்ளது. 8 மில்லிமீட்டர் அளவு மெல்லிய அலுமினியம் பாடி மற்றும் 4000 எம்ஏஎச் பேட்டரி மூலம் சக்தியூட்டப்டுவதோடு வேகமாக சார்ஜ் செய்ய குவால்காம் குவிக் சார்ஜ் 4+ தொழில்நுட்பம் வழங்கப்பட்டுள்ளது.
ரேசர் போன் சிறப்பம்சங்கள்:
- 5.72 இன்ச் 2560x1440 பிக்சல் குவாட் எச்டி IGZO LCD அல்ட்ரா மோஷன் டிஸ்ப்ளே
- கார்னிங் கொரில்லா கிளாஸ் 3
- ஆக்டாகோர் ஸ்னாப்டிராகன் 835 சிப்செட்
- அட்ரினோ 540 GPU
- 8 ஜிபி ரேம்
- 64 ஜிபி இன்டெர்னல் மெமரி
- மெமரியை கூடுதலாக நீ்ட்டிக்கும் வசதி
- ஆணட்ராய்டு 7.1.1 நௌக்கட், ஆண்ட்ராய்டு ஓரியோ அப்டேட்
- 12 எம்பி பிரைமரி கேமரா, f/1.75 வைடு-ஆங்கிள் லென்ஸ்
- 12 எம்பி இரண்டாவது கேமரா, f/2.6 சூம் லென்ஸ், PDAF, டூயல் டோன் எல்இடி பிளாஷ்
- 8 எம்பி செலஃபி கேமரா, f/2.0 அப்ரேச்சர்
- கைரேகை ஸ்கேனர்
- 4ஜி வோல்ட்இ, வைபை, ப்ளூடூத்
- 4000 எம்ஏஎச் பேட்டரி, குவால்காம் குவிக் சார்ஜ் 4+
புதிய ரேசர் போன் விலை 699.99 டாலர்கள் அதாவது இந்திய மதிப்பில் ரூ.45,160 / 749.99 யூரோ அதாவது இந்திய மதிப்பில் ரூ.56,350 / £699.99 அதாவது இந்திய மதிப்பில் ரூ.59,940 என நிர்ணயம் செய்யப்பட்டுள்ளது. ரேசர் போன் விற்பனை வட அமெரிக்கா மற்றும் ஐரோப்பியாவில் நவம்பர் 17-ம் தேதி துவங்குகிறது.