ஐ.பி.எல். கிரிக்கெட்டில் நேற்று முன்தினம் இரவு டெல்லி பெரோஸ்ஷா கோட்லா மைதானத்தில் நடந்த லீக் ஆட்டத்தில் மும்பை இந்தியன்ஸ் அணி 146 ரன்கள் வித்தியாசத்தில் டெல்லி டேர்டெவில்சை பந்தாடியது. இதில் முதலில் பேட் செய்த மும்பை அணி 3 விக்கெட் இழப்புக்கு 212 ரன்கள் குவித்தது. லென்டில் சிமோன்ஸ் (66 ரன், 5 பவுண்டரி, 4 சிக்சர்), கீரன் பொல்லார்ட் (63 ரன், 5 பவுண்டரி, 4 சிக்சர்) அரைசதம் அடித்தனர். மெகா இலக்கை நோக்கி களம் புகுந்த டெல்லி அணி 13.4 ஓவர்களில் 66 ரன்களில் சுருண்டு படுதோல்வி அடைந்தது. ஐ.பி.எல்.-ல் டெல்லியின் மோசமான ஸ்கோர் இதுவாகும். மும்பை தரப்பில் ஹர்பஜன்சிங், கரண் ஷர்மா தலா 3 விக்கெட்டுகளை வீழ்த்தினர்.
