இந்தியாவில் பெரும்பாலான தேசிய அளவிலான மற்றும் சர்வதேச அளவிலான தொடர்கள் ஒடிசாவில் உள்ள புவனேஸ்வரில் நடைபெற்று வருகிறது. ஹாக்கி போட்டிக்கு ஒடிசாவில் அதிக அளவில் ஆதரவு இருக்கிறது.
இந்நிலையில் இந்தியா ஆண்கள் ஹாக்கி அணி மற்றும் பெண்கள் ஹாக்கி அணியின் ஐந்து வருட ஸ்பான்சர் பொறுப்பை ஒடிசா மாநிலம் ஏற்றுக் கொண்டது. ஒடிசா ஸ்பான்சர் அடங்கிய புது ஜெர்சியை அம்மாநில முதல்வர் பட்நாயக் அறிமுகப்படுத்தினார். இதில் ஹாக்கி இந்தியா தலைவர் நரிந்தர் த்ருவ் பத்ரா உள்பட பலர் கலந்து கொண்டனர்.
ஹாக்கி அணியின் ஜெர்சியை அறிமுகப்படுத்தி பேசிய ஒடிசா முதல்வர் ‘‘இந்த வருடம் நடைபெறும் உலகக்கோப்பை ஹாக்கி தொடரில் அனைத்து நாடுகளும் புவனேஸ்வர் வந்து விளையாடுவதை எதிர்பார்த்துக் கொண்டிருக்கிறோம். ஒடிசாவில் ஹாக்கி முக்கிய போட்டியாக திகழ்கிறது.