இமாச்சல பிரதேச சட்டசபை தேர்தல்- வாக்கு எண்ணிக்கை நிலவரம்

சட்டசபை தேர்தல் நடைபெற்ற குஜராத், இமாச்சல பிரதேசத்தில் இன்று காலை வாக்கு எண்ணிக்கை தொடங்கியது. 68 இடங்களைக் கொண்ட இமாச்சல பிரதேச சட்டசபைக்கு கடந்த மாதம் 12-ந்தேதி தேர்தல் நடைபெற்றது. இமாச்சல பிரதேசத்தில் ஆட்சி அமைக்க 35 தொகுதிகளை கைப்பற்ற வேண்டும்.

இந்நிலையில் இன்று காலை 8 மணிக்கு வாக்கு எண்ணிக்கை தொடங்கி விறுவிறுப்பாக நடைபெற்று வருகிறது.

காலை 10 மணி நிலவரப்படி காங்கிரஸ் 34 இடங்களில் முன்னிலை பெற்று வலுவான நிலையில் உள்ளது.

பாஜக 31 இடங்களிலும், மற்றவை- 3 இடங்களிலும் முன்னிலை வகிக்கின்றன.