புதுடெல்லி:
இத்தாலியை சேர்ந்த பிரபல இருசக்கர வாகன தயாரிப்பு நிறுவனமான எம்.வி. ஆகஸ்டா புதிய புரூடேல் 800 பைக்கினை இந்தியாவில் அறிமுகம் செய்துள்ளது. இந்தியாவில் ரூ.15.59 லட்சம் என நிர்ணயம் செய்யப்பட்டுள்ள புதிய பைக் மோட்டோ ராயல் விற்பனை மையங்கள் மூலம் விளம்பரம் செய்யப்படுகிறது.
அடுத்த மாதம் முதல் விநியோகம் செய்யப்பட இருக்கும் 800சிசி பைக் கவாசகி Z900 மற்றும் டிரையம்ப் ஸ்ட்ரீட் டிரிபிள் 765 எஸ் பைக்களுக்கு போட்டியாக அமையும்.
முந்தைய புரூடேல் மாடலை விட நீண்ட வீல்பேஸ், மாற்றியமைக்கப்பட்ட சேசிஸ் உள்ளிட்டவை புதிய மாடலில் வழங்கப்பட்டுள்ளது. முழுமையாக மாற்றக்கூடிய தலை-கீழான 43mm மார்சூச்சி ஷாக்ஸ் பைக்கின் முன்பக்க சஸ்பென்ஷன்களையும், பின்பக்க சேக்ஸ் முழுமையாக மாற்றக்கூடியதாக வழங்கப்பட்டுள்ளது. இரண்டு 300mm டிஸ்க் முன்பக்கமும், பின்புறம் 220mm ஒற்றை டிஸ்க் வழங்கப்பட்டுள்ளது.
இத்துடன் இன்ஜின் பிரேக் கண்ட்ரோல் வழங்க MVICS, 8-லெவல் டிராக்ஷன், 3-லெவல் ABS உள்ளிட்ட அம்சங்களும் வழங்கப்பட்டுள்ளது. இந்த மோட்டார்சைக்கிள்களில் பைரெளி டையப்ளோ ரோசோ III டையர்கள் வழங்கப்பட்டுள்ளது.
வடிவமைப்பை பொருத்த வரை அழகிய ஹெட்லேம்ப் மற்றும் DRL மற்றும் முழுமையான டிஜிட்டல் மற்றும் மேம்படுத்தப்பட்ட கிராஃபிக்ஸ் வழங்கப்பட்டுள்ளது. மேலும் முந்தைய மாடல்களில் இருந்த பிரச்சனையை தீர்க்கும் வகையில் இதன் MV-இல் திரை மற்றும் ஸ்விட்ச் கியர் வழங்கப்பட்டுள்ளது.
எம்.வி. ஆகஸ்டா புரூடேல் 800 மாடலின் இன்ஜின் முந்தைய மாடலை விட மேம்படுத்தப்பட்டுள்ளது. புதிய இன்ஜினில் 11,500rpm செயல்திறன் கொண்ட 110PS மற்றும் அதிகபட்ச டார்கியூ 7,600rpm இல் 83Nm ஆக இருக்கிறது. முந்தைய மாடலை விட இது 25 சதவிகிதம் அதிகம் ஆகும். இதன் இன்ஜினில் கவுன்ட்டர்-ரொட்டேடிங் கிரான்க்ஷிப்ட் வலழங்கப்பட்டுள்ளதால் வளைவுகளில் ஏற்படும் செயலற்ற தன்மை இருக்காது.